اكرهك •••فماذا لو احببتك؟!
الحلقه ( 35 )
اولا اسفه اني اتخرت عليكم
ثانيا مش حتحسو بكم المسؤليه الي عليا اتجاه الكتابه صدقوني تاخيري ما نبيش اهو حروف حطيتها وخلاص نبي نكون راضيه عليها باش مستوى الروايه ما يهبطش
ثالثا مقدره كل التقدير مدى تشوقكم للروايه و ما نقدر نلومكم بروحي لما نقرا روايه حلوه نتمنى ما نقوق الا لين تكمل
بس دايره جهدي و نحاول ننشر كل يوم
و شكرا ع سوألكم ع البيبي وضعه تمام الحمدلله و يبعتلكم بوسه 😘
نتمنالكم قراء طيبه
سافر محمد
واول مره من فتره طويييله نحس بهدوء قعدت طول النهار مع جوري و عمتي
و مع المغرب قلت ل مهاب يوصلني لحوش اماليا
وصلوني هو و جوري
جوري : قتلك اقعدي ليش ما تاخدي بخاطري
انا: وعددد يومين و نجيك
و نزلت
فتحتلي ماما الباب
جاني صهيب يجري
صهيب : دادين
انا : روحها و عيونها و قمته و قعدت نبوس فيه
ماما شافتلي بمعنى مش عاجبها
المهم مر اليوم و انا اخر انبساط و نحكي وًانا فرحانه
ماما: معقوله راجلك مسافر و انتي جوك مليح و لا كأن
انا: اخطيني يا نبع الحنان
ماما: بنتي و نعرفك فرحانه
انا: تتوهمي
ماما: وبعدين خيرك ما سافرتيش معاه
انا: ماشي شغل
ماما: ولا كلمك و لا كلمتيه مش مرتاحتلك يا بنت
انا: اطمني( و رن تليفوني كا ن رقم خارجي )
انا : الو
محمد : كيف حالك
انا : تمام
محمد : انا وصلت و عارف امك رح تستغرب لو ما كلمتك و بتوجعلك راسك ب الاسئله
انا: الحمد لله ع السلامه ...فهمت عليك
محمد : نادين
انا : نعم
محمد : لو ناقصاتك حاجه قولي ل امي
انا: لا كل شي تمام
و سكر
وسرحت ف اسلوبه كانه متغير و خايف عليا من اسئله ماما تي لا يا غبيه تبع التمتليه احنا متزوجين
و رن التليفون صحاني من سرحاني
ميس/من الانتظار يا حلو
انا/ من بيكون يعني
ميس/اه روميو
انا / بلا برادتك توا
ميس/ باختصار نبو نمشو ل جود
انا/ امتا
ميس/ غدوا
انا/ اوكي
ميس/ باي وليد خاش عليا انتظار
انا/ قصدك عنتر
ميس/ترديلي فيها
انا/ لالا حشاني
ميس/ بارده سكري هيا
و سكرت
صهيب: نبي نمشي العاب
انا: حاضر تو نرفعك
ماما: صقع وين بترفعيه
انا: نلبسه كويس
ماما: ما كناش راجلك غايب عليك
انا ما حبيتش نرد خلي نقعد مرتاحه
و لبست صهيب و طلعت بيه للملاهي و قضينا وقت حلووو رجعت كأني طفله صغيره و نسيت كل همومي كنت محتاجه لراحه من كل شيء
محمد اول مره نبعد عليها اول مره نشتاقلها اول مره نعرف قداش هي مهمه
اكيد انا هبلت مستحييييل نكون
خالتي نوال : ريم يا ريم
ريم : اتفضلي نعم مش قلتيلي اقري
خالتي نوال: كلمت سعاد
ريم: من سعاد
خالتي نوال: الصبر بسسس ام جوري و قالت اتفضلو
ريم : باهي كويس
خالتي: شكله مش عاجبك
ريم : مش غير شكله مش عاجبني الصراحه
خالتي: انا فاضيه الي نحكيلك امشي من قدامي
ريم:ماشيه من غير ما تهزبي
