على خاطركم بس حنزل حلقه وحده قراءه ممتعه حبايبي
اكرهك •••فماذا لو احببتك؟!
الحلقه ( 29 )
جبت الحلو و القهوه
مهاب : حماتي تحبني
انا: ههههه ايه هلبا
جوري : تعالي للمطبخ
انا: شن في يا جوري
جوري : ناقصاتك حاجه؟
انا: لا تمام الحمد لله
جوري : مزعلك محمد ؟
انا تعبوا عيوني دموع :الي نبي نفهمه ليش تصرفاته معاي هكي
جوري: بنحكيلك كل شي
محمد كان يحب بنت و كان يدير في كل شي باش يسعدها بس هي طلعت ما تستاهلش
فرح استغلت حب محمد عشان يلبيلها كل احلامها و هي ما كانتش تحبه من بعدها محمد ولا قاسي و ما يحبش البنات
انا مصدومه :
جوري : كان يحبها هلبا هذا تفسير قسوته صعب انك تعطي لحد كل شي و ياخد كل شي و بعدين يبيعك كان فرحان لما خطبها و كأنه مالك كل الكون
بس مافاتش شهر و لقت من احسن منه فاتته بكل بساطه بدون تفكير
انا كلام جوري مر بيا زي العاصفه منها انصدمت و منها فهمت تصرفات محمد او شبه فهمت
اعذرته لاكن انا شن ذنبي في هذا ينتقم من صورتها فيا هذا التفسير الوحيد
جوري : نتمنى تعطيه فرصه و تحاولي اطلعيه م الي فيه
انا: بس انتي ما تعرفيش كيف يعامل فيا باش تقوليلي اعطيه فرصه
جوري : بس محمد قلبه ابيض صدقيني
انا: ما شفتش قلبه الابيض انا
جوري : ليش تحكمي عليه بقسوه
انا: كله هالقسوه منه
و جي محمد: مهاب قالك هيا
جوري :اهو جايه
طلعت جوري و طلعت وراها ع داري
نبي ننسى الي سمعته و ما نفكرش فيه
محمد
استغربت لما ما لقيتهاش حبيت نخليها ع راحتها
••••••••••••••••••••••••••••••••••••••••••••••••••••••
ريم كانت ماشيه للكليه و كانت مستعجله لانها متأخره ع المحاضره
وهي مش منتبهه خبطت في حد
ريم: اسفه
وسام: مش معقوله مرتين
ريم: سامحني حظك هكي
وسام: وسام و انتي
ريم: ريم
وسام: مش معقوله تصدف مرتين و ما نتعرفوش
ممكن رقم تليفونك
ريم لانها جريئه : اكيد
و عطاته الرقم
ريم: المحاضره 😨 نسيتها
و امشت تجري
وسام ابتسم : مازال حتنسي كل شي
••••••••••••••••••••••••••••••••••••••••••••••••••••••
ثاني يوم قررت نتعامل مع محمد عادي لا صديق و لا عدو و لا حتى شي شخص مشاركني يومي نكره او نحب و لو بنقعد واخده موقف منه مش حنقدر نعيش لهيت روحي بترتيب الحوش مع انه مش محتاج
و درت اصناف ع الغدي
وصل محمد و بان عليه متفجأ
محمد" هالبنت عندها قدره غريبه ع التغير في حالتها النفسيه و فعلا بديت نقتنع انها مختلفه ع الكل "
انا ابتسمت : الغدي واتي
محمد : و ليش هذا كله
انا: نتسلا
و قعمزنا نتغدو في هدوء
و بعد الغدي ركب لداره
خديت تليفوني و قعدت نتصفح ع النت ندور ع موديل للقفتان الي بناخده في عرس ر هف
