اكرهك •••فماذا لو احببتك ؟
الحلقه ( 31 )
ريم : ما جبرتك تحكي معايا
وسام / خيرك تعصبتي
ريم / ما اتعصبتش
وسام/ اسف
ريم/ وليش تتأسف
وسام / حاس اني جرحتك
ريم / الكلام الي قلته حق اصلا
تصبح على خير
سكرت ريم التليفون و
وعاود و سام دراته صامت و رقدت
ماما: جاوبي يا نادين حوايج محمد علاش هنايا مش فوق
انا: يا ماما
ماما: اسمعي لو نعرف بس انك مزعلتيه حتشوفي
انا تي هو الي مزعلني:
محمد كيف جيت بنخش نطمن ع نادين و سمعت امها : نادين مششش مزعلتني و ما فيش منها
هادم حوايج زايدات و حاجات لما نكون مستعجل نغير اهنايا
هكي تعودت من زمان
انا: 😲
مش مصدقه ان محمد دافع عليا
ماما : هيا انا بنروح تو نجيك الصبح
انا: خليك بايته
ماما: لا لا من غير دلع
محمد : خلي نوصلك
ماما: لالا عمك جاي ف الطريق
اهو يتصل اكيد وصل
روحت ماما
انا قلقت من السرير و من الرقاد
خديت القيله و قعدت نمشي لقيت محمد راقد في الصاله
وسمعت صوت المطر قعدت نتفرج عليها من الروشن فتحته و قعدت نشم ف الريحه الحلوه للمطر و فرحت لان الشتا قرب واحلا ما في الدنيا الشتا
رجعت للدار و رقدت
و انا نفكر في محمد و طبع محمد ولاول مره نفكر في حنييته
الصبح
ريم ف الكليه
وسام: صباح الخير
ريم متفجأه : صباح النور
وسام: حاسك زعلتي مني
ريم : وليش بنزعل
وسام : لاني ...
ريم: عندي محاضره
وسام : ريم
ريم بعصبيه : نعمم
بنت عطاتك رقمها بسهوله ليش تكلم فها بمعانيك انت انا بنت شوارع ولاه
و نزيد نقولك انت مش اول واحد نتعرف عليه و الحمد لله خير من غيري اقل شي صريحه و ما نلعب بمشاعر حدد و ما نطلعش روحي ملاك و انت اول حد في حياتي و الدسكه القديمه
و امسح الرقم و ريح راسك
وهيا سلام
و امشت وخلاته
و اخدي وسام التليفون
وسام / تي قتلك هزبتني و ما اعتقدش مازال تكلمني بكل
وسام/ هذا الي صار توا معاش تلومني
وسام/ نخطبها شني متعك
محمد جايبلي سفره الفطور
و طق و خش
انا كنت في الحمام
وطلعت
محمد : صباح الخير
انا: صباح النور
محمد : كيف حال رجلك
انا: تمام
و اتصلت بيا ميس
انا/ الو
ميس/ اسمعي نبي نشري شويه حاجات تطلعي معاي
انا/ الناس تقول صباح الخير قبل
ميس/ مش وقتك لما نشوفك تو نقولك ههه
شن تطلعي؟
انا/ رجلي انكسرت ما نقدرش نطلع
ميس/ شن صار محمد ضربك😨
انا شفت لمحمد / لا
ميس / ساعه وًنكون عندك ما يمشيش الكلام ف التليفون
انا/ باهي نستنى فيك
وقلت لمحمد ميس بتجي
محمد : ماشي انا طالع توا قلت لجوري تجي تقعد معاك
انا: تمام
ًًًًً ًًو طلع و خلاني
شويه و جت جوري
ريم
حضرت محاضره وحده و فاتت الثانيه لان وسام عكرلها جوها
خالتي نوال : جيتي ف وقتك بنمشوا لنادين
ريم: ما عنديش نيه
خالتي نوال : غريبه غريبه ريم تقول مش ماشيه
ريم : ايه
خالتي نوال: نادين رجلها انكسرت
ريم: 😨شني
خالتي نوال : قاعده ما تبيش تمشي؟!
ريم : لا بنمشي
