اكرهك ••• فماذا لو أحببتك؟
الحلقة ( 12 )
رهف: نادين
انا: نعم
رهف : في شي؟
انا: لا ما فيش
وجي اتصال ع مكتبي
انا: الووو
لحظات بس
انا: المدير طالب ملف العقارات
خديته و امشيت
طقيت ع الباب
الملف الي طلبته
محمد : اتفضلي قعمزي
انا قعمزت
محمد : اي ملاحظات ع الملف
انا كله تمام
محمد : ياريت تراجعي هالملف و خديته منه
طبعا ملف شركه بابا
انا: ملف شركه الامل
محمد: شن رايك
انا : في شني بالضبط
محمد : نفكر نشريها
انا: تمام
محمد : تمام شني
انا ما عنديش حل الا نتناقش معاه في الموضوع : بس خسرانه و عليها ديون
محمد : يعني فرصه و سعرها حيكون مغري ......
اممم
ما قولتليش شن رايك
انا: الي تلقاه مناسب ديره
محمد: ليش
انا استغربت : شني ليش
محمد ابتسم بمكر : ما تبيش تقولي رايك
انا اتعصبت بس ما بينت: لانه مش مهم
محمد : اي موظف في الشركه يهمه مصلحه الشركه
ولازم يعطي رايه في كل شي الا لو العكس ما تهمكش مصلحه الشركه الي تشتغلي فيها
انا : تهمني مش فالموضوع هذا لان الشغل ماشي سواء اشريتها او لا ومرات ما نقدروش ع الديون
محمد : طمنيلي بالك نقدر
انا استغربت : نستأذن انا
محمد : اتفضلي
طلعت
محمد : ماشي يا نادين انتي الي بديتي و انا الي نحدد النهايه
••••••••••••••••••••••••••••••••••••••••••••••••••••••
رهف: خيره وجهك اصفر
انا: انا😧
رهف: خيرك
انا: لا ما في شي
لميس: بنمشي نتغدا
و ناضت
رهف :هيا قولي
انا: يبي رايي ف موضوع شركه بابا
رهف: باهي ليش ما قولتيلاش
انا: ما نعرفش و حسيته ما يهماش الموضوع شن عرفني انا
رهف: به كملي شن صار
انا: الي صار ......
رهف: كأنه عارف
انا: ما اعتقدش
رهف: خلي نكملوا توا الي ورانا
انا: اها
و كملنا و روحت الحوش
••••••••••••••••••••••••••••••••••••••••••••••••••••••
وصل محمد للحوش مع الساعه6
محمد : شن جوك جوجو
جوري: محمد ماما حابسه روحها في الدار من بعد الغدي و ما بتش تفتح
محمد : خير ان شاء الله وين مهاب
جوري: عنده كورس و قاعد ما روح
امشي محمد لدار امه و طق
سعاد: ما نيش فاتحه يا محمد لين اديرلي الي نبيه
محمد : وشن الي تبيه
سعاد : قولي موافق ع اي كلام نقوله
محمد : كيف نقولك موافق ع شي ما نعرفاش
سعاد : انت عنايدي و لو ما درتش هكي مش حتواقق
محمد: يا امي
سعاد قاطعاته: انا قلت الي عندي
محمد: باهي موافق و الي تبيه انا فيه
فتحت سعاد الباب
محمد : اوامرك يا ست الكل
سعاد : تتزوج
محمد : شني
سعاد: و مش حنستنى عليك اكثر من شهر
محمد : كيف
سعاد : والله ما ني راضيه عليك الا لين تتزوج
و لساني معاش يخاطب لسانك غير لين تمشي تفض ف عروستك
محمد : لاكن
سعاد: لا لا كن و و لا بس ما نبي نسمع شي باهي الي ما اخترتلكش العروسه و خليتلك الحريه
محمد : بارك الله فيك
سعاد : نوض من قدامي معاش نبي نشوف وجهك قبل لتخطب
محمد : حاضر
طلع محمد متعصب و لانه يكره البنات ومش مفكر نهائي في الزواج بالذات في الوقت الحالي
