اكرهك •••فماذا لو احببتك؟!
الحلقة ( 26 )
الصبح و كالعاده مالقيتش محمد
درت فطور
و اتصلت هاجر بيا قتلي بنجي ع الغد
فطرت
و خشيت للمطبخ وتيت الحاجات الي بنديرهم
وما اتاخرتش قلت نوتيه وًنهتم بروحي
درت رز و مبطن و سلاطه مشويه وخبزه محشيه و درت كيكه شكلاطه كحلو
بعد ما كملت دوشت
و قررت ندير تغير
خديت الاستشوار و استشورت شعري و قعدت ندير فيه بالفير
لحد ما بان كاني قاصاته
حطيت مكياج كحل غامق و ماسكرا قويه و قلوس لونه خوخي
لبست جمبسوت اسود
ورشيت عطري
ورن الباب انا اتوقعتها هاجر نزلت نجري حتى الكندره مش لابستها
انافتحت و ع وجهي ابتسامه
وقابلت ابتسامتي تكشيره محمد الي ما صدقت افتكيت منها
تراجعت و هو سكر الباب
محمد اول ما جت عيني عليها انصدمت من شكلها و لبستها شعرها و مكياجها نعومتها
كانها ملاك بس كشرت ف وجهها لانها فتحت الباب بدون حجاب بس الي فسد الموضوع
انها مش لا بسه كندره اذكرت كرها للكعب حاولت ما نضحكش
: الف مره نقولك معاش تفتحي الباب هكي
انا: اتوقعتك هاجر
محمد : جاين في الطريق
انا: تمام
محمد : قصيتي شعرك؟
انا: نعم😳
محمد : شعرك
انا ببلاهه : خيره
محمد : قصيتيه؟؟
انا: مش حلو؟
محمد : انا الي نسأل ما ترديش بسؤال
انا: لا ما قصيتاش
و دام الصمت خمس دقايق
انا جيت بنركب نكمل لبسي
محمد بتردد : هو حلو هكي بس ردي بالك تقصيه
انا " لا هكي هلبا عليا شن قال مش مصدقه الي سمعته": نعم😳
محمد : البسي كندرتك الضيوف قريب يجو
محمد " هالبنت ساحره و عبيطه في نفس الوقت"
ركبت و انا مش مستوعبه و الله هادي شخصيه جديده و مش متوقعه بكل
.
. قطع افكاري صوته وهو يقولي وصلو
نزلت
واستقبلتها
انا: اهلين😘😘
هاجر : استاحشتك 😘😘
قعد هو وًمازن في الحديقه
انا: خودي راحتك ثواني و نجي
انا وتيت العصير و رنيت على محمد
جاني من باب المطبخ
انا: ربع ساعه و تعالى ارفع الغدي
انا رجعت لهاجر : اتفضلي
هاجر :تسلمي ....... طالعه حلوه اليوم
انا: قبل مش حلوه
هاجر : مش القصد بس قصه شعرك حلاتك
انا: ههههه ما قصيتاش
هاجر: و انا قلت كيف فرطت في شعرها
انا: غالي عليا مع اني خاطري في القصير
هاجر : ردي بالك مازن يحبه طويل قصيته و ندمت
انا: بلحظه يولي قصير لاكن مش بنفس اللحظه يرجع طويل
هاجر : ايواه
انا: خلي نحط الغدي
خشيت للمطبخ و تيت سفره ل لبره
و انا قاعده مشغوله بسفرتنا خش محمد بدون ما ننتبه
محمد اول ما خشيت المطبخ قعدت نراقب فيها كيف تتحرك و ترتب بهدوء و دقه و مع شكلها الجذاب اتمنيت طول العمر قدامي شن تقول انت صح هي حلوه و جذابه بس ما تهمنيش
( هذا كله و ما تهمكش يا محمد😉)
اتلفت فجأه لقيته : ارفع السفره بتبرد
ارفعها و امشي
حطيت و اتغديت انا و هاجر
و قعدنا نحكو مش عارفه لولاها شن اندير
