اكرهك•••فماذا لو احببتك؟!
الحلقة ( 43 )
محمد
انا في عالم ثاني و انا معاها مش مصدق انه هادي نادين الي عذبتها و قسيت عليها انا توا خايف عليها بنموت من الخوف
مش مستوعب قتلي نحبك
وتوا راقده في حضني و مش قادر نبعد عليها
طول اليل و انا نتأمل فيها و نفكر شن بندير
كيف بنتصرف
ما نبيش نجرحها
مش عارف كيف غفيت
الصبح
انا نضت وخايفه ما نلقاشي جنبي نعرف انه حيبعد عليا بعد عرف اني نحبه بس لقيته حاضني
وقتها بس اتنفست براحه قعدت نتأمل في ملامحه شويه
و حاولت نوض شويه شويه باش ما انوضاشي
محمد فقت لما تحركت : صباح الخير
انا نزلت راسي : صباح النور
محمد رفعلي راسي : ممكن نطلب منك طلب
انا: اطلب لو نقدر
محمد : ما نبيكش هكي ؟
انا : هكي كيف
محمد : متحشمه مني و مش قادره تحطي عينك في عيني
انا حسيت اني اتسرعت لما اعترفتله مع انه كان حمل و ارتحت لما قتله :
محمد : نادين
انا : اكيد تقول عليا
محمد : اششششش ما نقول في شي
انا : انسى الي قلته بالله
محمد : نسيته
انا اتفجأت
محمد ابتسم : ننسى ان حلا بنت في الكون اتحبني
انا هنا ذبت : خلي نمشي ندير الفطور و امشيت
محمد اه يا ربي كيف ندير
نرجعوا شويه للبارح
ميسون و نادر وصلوا لشقتهم
و كل واحد مش عارف كيف يتصرف مع الثاني
خشو لدارهم
و ميسون متوتره
نادر : ميسون
ميسون شافتله
نادر تعالي نصلوا
ميسون امشت و قلبها رح يوقف
صلو و كملوا
نادر :نتعشوا ؟
ميسون هزت راسها
قعمزوا يتعشوا ميسون اظاهرت انها تاكل
و نادر انتبهلها
كملوا
نادر شد ايد ميسون
هي انتفضت و رعشت حولت ايده
نادر : ميسون
ميسون: ما تقربش مني
نادر😳
ميسون بدت تبكي بحاله هيستريه
نادر : اهدي مش قارب منك
ميسون مستمره في البكي
نادر : ميسون خلينا نحكو
انا عارف الي مريتي بيه مش ساهل انا مش حنجبرك على شي
ميسون انصدمت فيه كيف يتكلم بهدوء و مقدرها هدت شويه
نادر خدي بيجامه و طلع سكر الدار
ميسون قعدت تفكر في اللي صار ولما هدت تماما خدت بيحامه لونها سكري و تبي تغير
فكت التسريحه قعد شعرها كيرلي حلو و مسحت
المكياج
حاولت تفتح الفيلو شي شي
ع قد ما حاولت مالحقاته
قعدت تمشي وتجي قدام باب الدار
تبي تكلم نادر و ماعرفتش كيف
نادر انسي الغطا خش للدار اتفحأ بميسون
نادر : تبي حاجه
ميسون بصوت مخنوق : ما قدرتش
نادر فهم جي وراها فتح الفيلو و اخدي غطا و طلع
رقد ع الكنبه
و هو يفكر : كيف بنتعامل معاها هي مصدومه من موت بوها وشكلها مجبوره و انا نادم اني استعجلت في قراري و اتزوجتها كنت حنبدا معاها و حنعاملها مرتي لانه هي ما ليهاش ذنب بس توا هي رافضتني يعني لا انا نبيها و لا هي تبيني
غفي نادر وفي راسه زحمه من الافكار
