اكرهك ...فماذا لو احببتك؟
الحلقة( 2 )
جت الساعه 3و ماجانيش نوووم اتقلبت و اتقلبت لين ملييت
بعد تفكير و تفكير قررت نسيب الشركه كلام ميس خوفني وًخلاني نقول هادي مسؤليه صعبه عليا
رقدت من كثر ما تعبت
الصبح نضت مع 9 بما انه جمعه درت الفطور و قعدت نستني ف ماما و بابا يفيقوا
اخديت التليفون و اتصلت بميس
ميس: صباح الناس الي ما ترقدش حتى يوم العطله
انا: نوضتك قصدك🤭
ميس: لا انا في الطريق لحوش جدي قوليلي شن تبي
انا بعد تردد: ميس انا بنسيب الشركه
ميس: علاش؟
انا: بعد الي قلتيه مازلتي تسألي
ميس: بعد الي قلته عادي جدا راهو
انا:هذا كله عادي؟
ميس: شوفي اي شركه ناجحه باش تكون على نجاحها هذا لازم تكون صارمه و مديرها صاعب و عندها برتوكولات و قوانين غريبه اسأليني علاش
انا: علاش يا ام العريف
ميس: لازم والا كانت شركه مايعه هكي و فاشله يعني
انا: قلتيلي ما يعه😂
ميس : ايه و نقولك شي وًما تخافيش ع حسب ما اسمعت المدير غريب الاطوار و صععب االميراس
انا: الله يبشرك بالخير
ميس: هذا الي قلته كله اولا مازال ثانيا
انا: شني 🙃
ميس : وين نادين الي نعرفها عنيده و تصر ع الي تبيه و توصله من كلمتين اتخليتي ع حلمك خلي نعترفلك صح في الاول قلت مجنونه مسيبه شركه بوها و ماشيه تحترق بس معاك حق في شركه بوك مش حتكوني الا مدير و لا حتتعاملي كموظف عادي يعني واصله لمكانك بدون تعب
انا اثر فيا كلام ميس و الصراحه ليس عليه غبار
ميس: هييي وين سارحه
انا: اقنعتيني لاكن سؤال واحد بس
ميس: اتفضلي😌
انا: من وين جايبه كل هالحكمه
ميس: من قبل لاكن في ناس طوووبو ما تقدرش 😂
انا: شكرا ميس
ميس: هذا ردا لبعض انقادك ليا لما نحتاجك
انا : وتي روحك هما هلبا راهو😂
ميس: نعمممم😡
انا:نبصر بلاش نرفزتك توا
ميس: قولي شكرا يلا
انا: شكرا ميس😂
ميس ؛ عفوا يلا وصلت حوش جدي
و جت ماما
ماما : صباحك ميس
انا : صباحك ورد
ماما : هكي قرمه ع الصبح
انا: هو في احلا من القرمه ع الريق
ماما: لا والله😂
انا : وين بابا درتله التوست كيف ما يحبه
ماما: بوك مزرد
انا: قداش ليه ما زرد
ماما: اي يذكر في الايام الخوالي
وفطرنا
ماما: شن تبي تتغدي
انا: توا نطيب انا
ماما: لا نبي ندلعك اليوم ❤️
انا: اذا كان هكي مكرونه باشميل😍
ماما : من عيوني
••••••••••••••••••••••••••••••••••••••••••••
ريم قاعده في سريرها و اتصلت بخالد
خالد: صباح الحلو كله
ريم : صباحك ورد
خالد : متفكرتيني ع الصبح الله
ريم بلؤم: قلت خلي انوضك لصلاه الجمعه
خالد : في ميزان حسناتك
ريم: اجمعين😂
خالد بهدوء : ريم
ريم: نعم
خالد : نبي نشوفك
ريم ( و اخيرا قالها) حتى نبي نشوفك
خالد: علاش
ريم: فضول
خالد : فضول بس
ريم : بس
خالد : بعد العصر كويس؟
ريم: اليوم جمعه و بنمشوا لحوش خالتي
خالد: باهي ياريت غدوا
ريم : تمام هيا نوض وتي روحك للجمعه
خالد : هههه حاضر من عيوني
خشت جنى و حاطه ايدها في نصها: قتلك ماما نستنوا فيك ع الفطور بدل ما اديريه انتي
ريم؛ ماما هكي قالت
جنى: و قالت ما نافعه في سي
ريم: احم و انتي مسجل😐
جنى: وقالت بنمسوا حوس خالتي ديري كيكه
ريم: هذا كله قالته ماما😮
جنى: وقالت
و قاطعتها ريم : معاش نخلص توا لغدوا الصبح قوليلها قتلك حاضر
••••••••••••••••••••••••••••••••••••••••••••
انا بعد الغدي ضميت المطبخ و درت كيكه و بيتزا و كيف كملت جو حوش خالتي اووو جنى استاحستك
جنى : حتى انتي ليك وحسه
انا: اطورنا وحشه و جو😂
جنى: سوفي بنقولك حاجه
انا: شوفي ميس رقم 2
و جت ريم: جنى ماما تبيك
جنى: بعدين بعدين نبي نقول لنادين موضوع
ريم :خلاص بري لماما و بعدين نادين تستناك
انا: شكله في ناس تانيه عندها موضوع تبي تقوله
ريم : كيف عرفتي
انا اشرت ع وجهي : من ملامحك
ريم هزت راسها بمعنى ايه
انا: انا في الاستماع اطربيني🙂
ريم : خالد ( وسكتت)
انا: خيره
ريم: يبي يبي
انا: لا احكي مره وحده لاني نبي نفهم
ريم وتحكي بسرعه : يبي يشوفني
اناخديت طاسه الشاهي الي بالحليب : وشن المشكله
ريم : 😮
انا: ولا انتي تبي 🤭
ريم🙄
انا(لا مستحيل ): يبي يشوفك عادي يعني زي الي قبله و انتي تماطلي فيهم يعني احمد و نادر و وو
قاطعتني : بس خالد غير
انا: شن الي يخليه غير
ريم : احساسي
انا: احساسك🙂
ريم: مره وحده نشوفه و خلاص
انا: من امتا ياريم تطلعي تشوفي شاب مكالمات قولنا ماشي و تتسلي قولنا معليشي مع اني رافضه الفكره لاكن تطلعي و تشوفيه لا هلبا هكي
ريم: بس لازم عندي فضول
انا: هو شكله مش فضول لاكن بنعديها
ريم: بالحق
انا: مش عارفه جنونك وين بيرفعك
ريم اشرت عليا بصبعها
انا: شن
ريم: انتي الي بترفعيني غدوا
انا: مستحيل
••••••••••••••••••••••••••••••••••••••••••••
ماما: خيرك يا نوال مش ع بعضك
نوال: اه يا وفاء مش عارفه شن بنقول
ماما: خير ان شاء الله
نوال: وائل يبي يتزوج
ماما : ياريته يتزوج بالك يروح و يهني بالك
نوال: ما هادي المشكله ما تعرفيشي من يبي يتزوج
ماما: منو
نوال: وحده اجنبيه و ياريتها مسلمه
ماما: ما تقوليش ع خاطر الجنسيه
نوال: قال يحبها يا هي يا بلاش
ماما: موقف صاعب بس وائل عنيد ولازم يدير شن يبي في الاخير و ع ايدك كنتي رافضه موضوع سفره و سافر ودار الي في راسه
نوال: اه قداش ما قلبي مغموم
ماما: من رايي يا نوال سايريه و خلاص خير ما ياخدها من وراك ويزيد يبعد
نوال: ماهو هذا الي مخوفني
••••••••••••••••••••••••••••••••••••••••••••
ثاني يوم انا نستنى في ريم قدام حوشهم "عارفه شن بتقولوا مش قلتي مستحيل " الله غالب قلبي حنين و ينخ😂
ريم: هاي (كانت لابسه جاكيت وردي هادي و طويل و تحته اتجين فاتح و بلوزه بيضا و طالعه حلوه و مكياج هادي طالعه جذابه )
انا: هايات ..........طبعا حتكون الاولى و الاخيره هالمشيه هذا اولا
ريم😕
و ثانيا ربع ساعه بس تعطلي ننزلك و نجبدك من شعرك
ريم😟
و ثالثا شعرك الي طالع من الوشاح ياريت يخش
و رابعا
ريم قاطعتني : خلاص نادين تقول طالعه مع خوي ندمتيني والله اندمت
انا: ندمتي نرجعوا الحوش 😌
ريم حطت ايدها ع فمها : خلاص سكتت 🤭
وصلنا و انا قلبي بيتجمد من الخوف عليها ما فيش حد يعرف تعب الحب زيي و شكلها ريم هالمره رح تحب خالد لا شكلها حباته وتم ممكن لما تحب تعقل و تفوت قصه تعرفها ع الشباب بس الخوف من جروح الحب الي مستحيل الزمن يداويها و دمعوا عيوني (نادين عندها سرر غامض ما حد يعرفه و حنعرفوه في يوم ما "تــشــويــق" )
نخليكم مع ريم وهي رح تحكيلكم شن صار
ريم(من اول ما نزلت من السياره و انا قلبي يدق مش عارفه خوف فضول احاسيس هلبا صح انا جريئه و ما عنديش مشكله نتعرف ع ولاد بس ولا مره فكرت نطلع انشوف حد طبعا كان اختيار خالد للمطعم راقي و ديكوره حلو و هذا يدل ان عنده ذوق )
اتصلت بيه: انا وصلت
خالد: لابسه وردي ؟
ريم: ايه
وا شر ب ايده
ريم كل ما نقدم خطوه و خوفي يزيد : مساء الخير
وقف خالد : مسائك ورد
و مد ايده سلم عليا
وقتها قلبي وقف تماما
خالد: خيرك مرتبكه
ريم : اا انا مش عارفه
خالد : اتفضلي
ريم( خيرني معاش نعرف ندوي لازم نطلع من العباطه هادي اووووف): شن بتطلبلي😂
خالد: ههههه
ريم الله ع ضحكته: ولا مفلس
خالد طلبلي قهوه : شن رايك فيا
ريم طررررف : عادي زي الصور
خالد : اه مش احلا؟
ريم: بشويه 🙄
خالد: هههههه
ريم (رجاءا معاش تضحك☺️قلبي يتفترش ) : صدمتك
خالد : ابدا عارف روحي شين
ريم( اما شين اه بس)
خالد : لاكن انتي.....
ريم قلبي الي وقفته من دقايق بس رجع زي الطبل : اهم شي جمال الروح راهو 😂
خالد: ايه بس الشكل احلا من الورد نسمه
ريم : احم ممكن تطلبلي عصير😅
و اتصلت نادين ما ابردها : ليك نص ساعه بتطلعي ولا شن(ابدا مش بنت خالتي خوي خوووي )
ريم: جايه☺️...،،،، خالد نستأذن بنت خالتي تستنا فيا
خالد: تمام بس مش محسوبه
انا جيت بنوض و قف و مد ايده باش يسلم
سلمت عليه و طلعت
ابتسم الله محلاها
ركبت السياره: اه يا نادين يهـ....
انا: ما نبيش نسمع ولا شي
وصلنا : انزلي
ريم : مع انك ما تستاهليش بس ( باستني من خدي وًنزلت)
انا( والله خايفه عليك غبيه فرحك و حيويتك يقولوا انك حبيتيه و ربي يستر)
روحت الحوش و نسمع في بابا يحكي ع التليفون و متوتر، ما نوصيكش يا ناجي دور عليه كويس ...،
و انتبه لوجودي قال نكلمك بعدين و سكر
انا: هاي بابا
بابا: اهلين بروحي
انا: في مشكله؟
بابا : انتي في حياتي يعني ما فيش مشاكل بكل
و جت ماما : ياسلام ديما الكلام الحلو ل نادين
بابا : نادين و ام نادين احلا ما في الكون
ماما: شوفت نادين قبل
بابا: هههههه
انا : يا سلام ع الغيره
ماما: البنت ديما تاخد عقل و قلب بوها الله غالب عليا
بابا: انتي الاصل كله و احلا ورد و ماياخد عقلي ولا قلبي منك حددد
انا: الله الله خلي نطلع منها ونخلي الرومانسيه تاخد حدها
ماما: بنت عيب😐
بابا: هههههههه اخ من لسانك اطول منك
انا: هههههههً طالعه ليك اكيد
بابا : شن تبوا تتعشوا
انا : باستا من ايديك ومعاش نبي شي
بابا: اصلا هذا الي عارفك بتقوليه 😂نص ساعه و احلا باستا تكون جاهزه
و بعد ساعه كنا متعشيين و نشربوا ف قهوه طبعا انا شاهي بالحليب العشق
ماما: اسمعوا شن رايكم يوم الجمعه الجايه نمشوا البحر و نقول حتى لنوال
انا: الله يا سلااام
بابا : تمام بكل
ابتسمت لان عندي اهل يحبوني و نحبهم و حسيت اني بيهم مالكه الدنيا و ما فيش حد عايش في سعاده زيني حمدت الله ع النعمه
مرت الليله و انا في احلا ايام حياتي مع اني مش عارفه العمل شن مخبيلي بس مستعده نواجه بكل قوه و ما نخليش حد يوقف قدام حلمي كتبت في مذكراتي الي من وقت للثاني نحب نكتب فيها الحاجات المهمه مش من هواه كتابه مذكراتي يوم بيوم
بس نحب نكتب الايام المميزه في حياتي يا اما نكون في منتهى السعاده و لا الحزن ايه الحزن الي مستحيل يخلو من حياتنا تصبحي يا مذكراتي ع ايام احلا و احلا
في اليوم الثاني و في اجتماع الشركه صار الي مش متوقع ....................
بتبععععع في الحلقه القادمه
يهمني رايكم مع اني مش رح ناخد بيه😂
لا نبصر نبصر قولوا عجبتكم او لا و حبيتوا شخصيه نادين و اهم شي نبي اختلاف ع روايه اول مره هل موجود و لا نفس الشي طولت عليكم و لاه غر جابوا ع تساؤلاتي بس ما نبي منكم شي ثاني نقبل النقد الحلو بس😂خلاص بنمشي بنمشي سي يو
