اكرهك ••• فماذا لو أحببتك؟
الحلقة ( 40 )
تعليقاتكم اعطتني طاقه ايجابيه و خلوني نكتب حلقه باعترافي و غروري اللا محدود يقول اتهبل 😂لاحظوا اني ما عمري اطلبت انكمم تتفاعلو و نعرف ان في هلبا متاابعين بصمت و معجبين بالروايه نحترمهم لاكن تي اكتبوا حتى تم
اتفاعلو ا 😂و الله نبصر .....
جوري : لاكن ما قلتليش ليش لونك مخطوف
انا: ما في شي
جوري : امممم باهي تعالي نديروا قهوه قبل لنخش للمنفى متاعي
انا: هههههه هيا
قعمزنا في المطبخ و انا نفكر في محمد و الي داره محمد معاش فهمته زعما يلعب بمشاعري
جوري : نادين !!!
انا: ايوا
جوري : مش معاي بكل
انا: شن في
جوري : درتلك شاهي بالحليب نعرفك ما تحبيش القهوه
انا: شكرا حبيبتي
جوري :تعرفي ما خاطريش نقرا
انا: اسوأ مشاعر وقت الامتحانات تعرفي بطني وجعتني
جوري : مش عاجبتيني وجهك اصفر مريضه
انا بديت نعطس : لا ما فيا شي
جوري
جوري : نعم
انا : نسألك سؤال
جوري : اها
انا: في حد في حياتك
جوري ضحكت :ههههه شن باين عليا
انا: لا بس ما جاوبتيني
جوري : لا مش مقتنعه بهذا كله نخاف نتعذب خليني فري خير
انا: ليش مقرون الحب بالعذاب
جوري شكلك يا نادين كبدتي على محمد : نعرفش
انا: هي محمد قالي نوضيني و انا نسيت
و امشيت نجري
جوري : لازم نفهم من رهف كل شي الباين القصه مش قصه زعل خلي نشوفها ع الفايبر
الحمد لله فاتحه المحادثه الي بينهم
👇🏻👇🏻👇🏻👇🏻
جوري: فهميني القصه كلها الي بين محمد ونادين م ش زعل عادي
رهف: ههههه الناس يقولوا كيف حالك
جوري : رهف تاخديني بالدوه زي المره الي فاتت احكيلي كل شي باش نعرف كيف نتصرف ما تخلنيش نروح و نسيبهم
رهف: انتي عش شورك هههههه
جوري : مش غير بتحكي و لا نخرب الخطه
رهف: احساسك صح محمد و نادين مش زي زوجين
وربي يسامحني محلفتني نادين
جوري : كله لمصلحتها كملي
المهم رهف حكت كل شي ل جوري
و اتفقوا يكثفوا جهودهم باش يقربونا م بعض
جوري : احساسي عمره ما خاب
مستحيل نخليك اضيع نادين من بين ايديك
انا وصلت للدار و اذكرت كل الي صار قبل شويه
و اترددت انوضه ولا لا بس هو قالي نوضيني
انا: محمد
محمد : امممم
انا : انت قلت نوضيني بعد ساعه
محمد شاف ل ساعته : بس
انا : عارفه تاخرت عليك نص ساعه كنت انا وجوري نحكو و نسيت
محمد: عارفه صار ههههه
انا: اي
محمد : نبي تعويض ع التأخير
انا فتحت عيوني ب استغراب : شني
محمد بهمس : بعدين نقولك
و خش للحمام و خلاني في حيره
( و حمودي بدي يتلكك لقد وقعت في الفخ و ما حدش سمى عليك🧡)
انا : مجنون
ميسون مسكره عليها دارها و تبكي ع حالها و ع فراق بوها و ع الزواج الي مغصوبه عليه
و عايشه حزنها بروحها
ما فيش حل اه يا ربي
عمتي حالها مش احسن من ميسون
عارفه انها غلطانه بس قلبها زي اي قلب ام يبي الخير لبنتها بس مستحيل نقدروا تضحيه اهلنا الا بعد وقت
