اكرهك ••• فماذا لو أحببتك؟
الحلقة ( 37 )
محمد يسوق بسرعه رهيبه و حتى الاشارات يفوت فيهم
انا كان الموقف اقوا مني معاش عرفت شن اندير و مش عارفه مهاب يتنفس و لا لا اصلا كان وجهه مخبش
ما كانش في شي نديره الا نبكي
احساس الخوف سيطر عليا
خايفه ع مهاب جنبي
خايفه من سرعه محمد
و الاهم خايفه على محمد اكثر شي
محمد : مهاب لازم تتحمل قريب نوصلوا
محمد يكلكس ع السيارات باشش يفتحوله الطريق
وصلنا المستشفى
محمد نزل و بدي يعيط :
اسعاف معاي حاله خطيره خوي مداير حادث
جو الممرضين و جايببن السرير
دخلوه طول للعمليات
و سكرو الباب محمد اول ما اتسكر الباب انهارت قوته و طاح ع الارض و قعد يبكي
كانوا يديه دم و و التيشرت دم
معاش عرفت نتصرف اول مره يصير هكي الموقف صاعب من بين و جعي و دموعي مش وقت ضعف و لا وقت نقعد نتفرج محمد لازم نوقف جنبه هو اكثر وقت محتاجني فيه
انا: محمد
طبعا ولا رد عليا
انا : محمد اسمعني انت لازم تكون اقوا من هكي علشان مهاب
محمد مستسلم ولا معاي و لا يسمع فيا
و رن تليفوني و كانت عمتي سعاد
انا: محمد امك تتصل مش وفت انهيار خليك قوي زي ما نعرفك
جيت قدامه وانا متردده بعدين حطيت ايدي ع كتفه: محمد بالله عليك نوض مهاب محتاجك و امك محتاجتلك
و جوري
وانا محتاجتلك هلبا
انا عيطت عليه : فيق مش وقت ضعف
وقف و هو قاعد يبكي : ما نبيش نخسره زي ما خسرت بوي و الله نموت هالمره : مهاب حيتخطى هذا كله لانه قوي و يحب الحياه
محمد : مهاب ما تسيبنيش بروحي ما تكسرش قلبي عليك ما تزيدها عليا ما تصعبش عليا للحياه انا عايش على خاطركم
انا حضنته و انا محتاجه للحضن هذا اكثر منه
اتوقعت يباعدني عليه انا ف اللحظه هادي ما فكرتش و لا حاولت نفكر حتى لو عدوي هكي يصيرله نوقف معاه فيما بالك حد نحبه
محمد استسلم لحضني و بالعكس ضغط عليا و كاني شي خايفه يضيع من بين ايديه
محمد : تعباااااان
قعدنا حاضني بعض شويه
حاولت نتماسك ع قد ما نقدر وحبست دموعي لان الموقف يوجع و اي انسان مهما كانت قوته حيضعف بس انا كان لازم ما نضعفش
و لما حسيته هدي قلت نجيبله قهوه
باعدت عنه شويه
انا : قعمز خلي نجيبلك قهوه
امشيت و طول الوقت نفكر في الي صار و شن ندير
و قعدت خالتي سعاد تتصل و انا ما نردش لاني مش عارفه نقوللها ولا لا و شن حيكون ردت فعلها
وصلت لمحمد لقيته حاط ايديه ع راسه
انا: اتفضل
محمد : ما خاطريش
انا: اشربها باش تقدر تقاوم
محمدخداها بدون ما يرد عليا
بعد شويه اتصلت خالتي ع تليفون محمد
ما ردش
انا: محمد من بكري يتصلوا هي و جوري
كلمي جوري و قوليلها مهاب بيبات عندنا لاني قتله جيبلي السياره بنحطوها في الصيانه
و لو سئلوك ليش ما يرد ع اساس فصل شحنه
انا كلمت جوري
جوري/ ليش حاسه انه ف شي ثاني
انا/ وليش بندس عليك
جوري / مش عارفه
