اكرهك •••فماذا لو احببتك؟!
الحلقه( 49 )
بعد محمد عليا و كانه دار جريمه
نزل و خلاني في حيره مش عارفه انا شن بالنسبه ليه حسيت بحبه بدقه قلبه
ولا عاد عارفه مشاعري انا حسيت اني دايخه و متوتره و مش قادره نتنفس
اتاكدت من حبه ليا و اتاكدت انه نادم مجبر يبعدني عنه
نزلت و انا مشوشه و متلخبطه اكثر و بدل ما نرتاح مش باين في حياتي راحه
رهف: وين كنتي؟
انا: فوق
رهف : مش قلتي بتمشي المطبخ دورتك و ما لقيتكك
انا: مش عارفه
رهف: مش على بعضك شكله القفتان دار مفعوله
انا ب انكار : لا ما في شي
رهف: باهي انا مروحه توا نتلاقو
انا: تمام
جوري:تعالي صوري معاي
انا : اهو جايه
وخدينا صور و روحو الناس
جوري : و اخيراا
انا: راحه؟
جوري : اي هذا وين حسيت روحي خفيفه😂
انا: تعرفي انا ما نكرهش في حياتي قد الكعب
هذا مني الي حطه في عوامل الانوثه
جوري: نحب الكعب انا لاكن الميك اب لا لا لا
سعاد : سخنوا لخوتك العشا
جوري: باهي حاضر
سعاد :و انا نبي قهوه
خشينا للمطبخ
ورن تليفون جوري اتوترت
انا فهمت الي متصل بيها انس
انا: خلاص تو نسخن انا و ندير قهوه
جوري بهمس : شكرا و طارت لدارها
سخنت العشا و حطيته
و لقيت مهاب خاش صدفه عطيته العشا و اصلا ما نتمنى نتلقا مع محمد مع اني بنروح بنروح
سعاد: وين جوري امالا
انا : خشت للحمام
سعاد : امالا باتو اهنيا اليوم
انا اتوترت ع الاخر اصلا كيف بنقول فها اللحظه لساني ارتبط: اا
محمد: هيا نادين
سعاد: العفو يا وليدي كيف نقوللها باتو اهنا
محمد : مره ثانيه
سعاد : باهي
و اشرت لمحمد بمعنى بنقولك حاجه بروحك
محمد : اسبقيني و انا جاي
نضت و ما قلت شي نهائي
سعاد: اسمع يا ولدي يا ما كنت شاغلني و و اتحملت المسؤوليه بكري و يشهد ربي كفيت و وفيت
محمد : ولاش هالكلام يا اغلا الناس
سعاد: كنت شاغلني خايفه ما تلقا بنت الناس الي تسعدك و تهنيني عليك لاكن الحمدلله والله ما عندي ما نزيد عليها البنت وين ما تحطها تلقاها
و فوق من هكي الناس تشكر و تعاود زين و اسلوب و فلاحه و خلي عاد الي يسألو عندها اخت ولا لا
محمد: ما فهمتش شن تبي من الكلام
سعاد: حافظ ع البنت و حطها ف عيونك
محمد: حاضر اي اوامر ثانيه
سعاد: نوض روح انت ما ينفعش فيك حاول بس تزعلها تشوف
محمد كلام امي يرن ف راسي زي الجرس
زاد حيرني و تعبني بدل ما يريحني
انا اتوجعت هلبا و اتحملت
بس وصلنا للنهايه و للصبر حدود تعبت و احترت
روحنا و كل حد فينا يفكر في الثاني و احساسه و مشاعره
ق عدنا فتره هكي اسبوعين او اكثر و احنا ع نفس الحال
و هالمره حاولت ما نستاحشه بس الشوق كان غالبني
و مع ذلك ما حاولتش نحتك بيه ولا هو حاول
اليوم بيان ريم
لبست قفتان اطويل و ماشي كم و مع فتحه في الظهر
زي الي ف الصوره مع نفس اللوك تماما( طبعا القفتان روعه+جلطه ❤️🤭)
فاتت عليا رهف لاني مش قادره نكسر حاجز الصمت بيني و بينه اصلا يكفي الي صار ل هنا وبس
وصلت لقيت ريم في دارها و متوتره
وطالعه واو
