اكرهك ••• فماذا لو أحببتك؟
الحلقة ( 19 )
فقت الصبح ما لقيتاش
ارتحت خشيت الحمام دوشت و اتوضيت و صليت
جففت شعري
ولبست قفتان لحد الركبه لونه احمر و ربع كم
شديت شعري بشكل عشوائي حطيت كحل داكن و روج احمر هادي
طق الباب
انا: اكيدا جوري هذا وقتها
فتحت الباب
وعيوني جو في عيونه : قلت اكيدا انتي ( وسكتت)
محمد : مره ثانيه معاش تفتحي الباب بدون حجاب
انا: نحساب جوري
حط الفطور ع الطاوله و قعمز
تعالي افطري
انا قعدت نفطر
وهو خدي القهوه بس
محمد : وتيلي شنطتي
انا بنسأله وين مسافرين بس الكلام اتجمد
محمد عرف في في شن انفكر : ماشين بريطانيا حطي حاجات تقيله لانه صقع غادي
انا: نبي نمشي لحوش اماليا
محمد : ليش
انا: لبسي الشتوي كله غادي
محمد : كملي فطور وتي روحك نمشوا
انا استغربت هدوئه و انه يتكلم معاي بشكل طبيعي زي الناس
كملت فطوري و غيرت و طلعنا
نزل خدي حاجات
اول ما فتحت ماما الباب
انا: مفجأه
ماما: نادين
و حضنتني
ماما: اهلا يا محمد اتفضل
و خشينا لقينا باباوصهيب في الصاله
بابا: اهلااا ببنتي الوحيده و حضني
و سلم ع محمد
جاني صهيب : دادين شتلاته
انا: اكيد كيف ننسى الشكلاطه انا ( وطلعتله من شنطتي)
ماما: لازم تتغدوا عندنا
محمد : والله يا عمتي
ماما: ما تجيش قول حاجه يا احمد
بابا: خلاص ابدي في الغدا يا وفاء
نضت لداري مش حاسه اني مشتاقتلها اصلا هي مش داري
لقيت دفتر ذكرياتي ابتسمت وحطيته في شنطتي
وبديت نرتب في الحوايج الي محتاجتلها
ماما: و امتا مسافرين
انا: بعد غدوا
ماما: مرتاحه؟!
انا : الحمد لله
ماما: بس عيونك
انا: محمد كويس و كل بنت تتمناه
ماما: ربي يهنيكم
انا: شن الغدي يا ست الكل
ماما: مفجأه لاحلى بنت
انا: تسلميلي يا احلا ام
ماما : كملي و تعالي ساعديني
انا: حاضرر
و طلعت لقيت محمد منسجمين و لا حاسين بالي حواليهم تعودوا ع بعض بسرعه
خشيت للمطبخ
ودرت كيكه و ساعدت ماما في الغدي
و مع الساعه2 كان كل شي واتي
حطينا السفره و بدينا نتغدوا
ماما: كول يا محمد
محمد : والله خلاص الحمد لله
ماما: اعزمي ع راجلك شكله متحشم
محمد : حوشنا الثاني هذا
كملنا و قمت السفره و قعدت نلم في المطبخ
ونسمع في بابا من الصاله: القهوه يا نادين
حطيت القهوه ع النار و جهزت السفره
و طلعت
و نسمع في بابا: مش عارف شن نقولك يا ولدي بارك الله فيك انت انقدت الشركه
محمد : اعتبرني ولدك
انا اتعصبت لانه حيذلني باي شي يديره و انا حندفع الثمن "استغفرت و هديت روحي "
انا و الابتسامه ع وجهي : اتفضلووا احلا قهوه
بابا: تعالي يا وفاء في خبر حلو
ماما: خير ان شاء الله
بابا: محمد دفع قيمه القرض و ان شاء الله الشركه ترجع من جديد
ماما: ربي يعطيك ما تتمنى يا ولدي و يفرج عليك زي ما فرجت علينا
انا حبست دموعي و الغصه الي في قلبي و المي ياريته دايره من قلبه يا ريت
صهيب : دادين
انا : نعم يا قلبي
و امشتله فرصه هربت بيها من الي يصير
ما قدرتش نحبس دموعي اكثر بكبيت و و فرغت قلبي ورقدت صهيب عدلت مكياجي و طلعت
ماما : محمد يستنى فيك في السياره
انا حضنتها : نحبكم
و طلعت
ركبت في السياره
نستني ف كلام زي السم و تذكير بانه هو حللنا مشاكلنا لازم في مقابل لكل شي
وصلنا للحوش
خش هو للدار و انا اتكيت ع الكنبه برا كالعاده
افكاري ترفع و تجيب و بعدين استسلمت : الي يبي يديره ايديره
محمد : من هو
انا نخلعت : لا شي
محمد : وتيتي الشناطي
انا : ايه
و اتصلت بيه جوري : باهي نازلين
محمد : خالتي لوطه و جوري قتلنا ننزلوا
انا: شويه نغيرر
