اكرهك ••• فماذا لو أحببتك؟
الحلقة ( 21 )
فاتوا يومين هدوء تام ومحمد ما روحش بكل نكذب لو تقول ما نشغلتش عليه بس في نفس الوقت ارتحت منه شعور متناقض كيف تنشغلي ع شخص و انتي اصلا تكرهيه بس
اووووف اطلع من راسي
محمد قررت نبعد لين نهدا لاني ما نعرفش التصرف الي ممكن نديره لوين يوصلنا ياهي ليش تراجعت مش كانت لعبتك الي تلعب بيها و انت قررت تتزوجها ليش اتزوجتها كأني فقت من حلم و لقيتها مرتي امر واقع
••••••••••••••••••••••••••••••••••••••••••••••••••••••
ريم في الكليه و ماله كالعاده
لبنى : ريم في شي مهم وو لازم تعرفيه
ندى حاطه راسها لوطه و متحشمه
لبنى 😦
ريم : قولي
لبنى : بصراحه ندى زلقت قدام مصعب و قتله انك
مستحيل تحبي
ريم: استني استني ليش قتله هكي
لبنى: ف حد سأل عليك و هكي
ندى : والله ما كان قصدي و شكلي وقفت ف طريفك
ريم ضحكت: اصلا هذا الحق
ندى :مش زعلانه
ريم: ولا يهمني
لبنى : ما هو زلقت في موضوع ثاني
ريم : شكلها تمشي ع الزيت هادي
لبنى: قتله تكلمي في شباب هلبا
ريم: ندى بطلي عفويتك الزايده
ندى : اسفه
ريم: احسن بالك يطفش
" ماشي يا خالد خلي نشوف لوين تبي توصل"
••••••••••••••••••••••••••••••••••••••••••••••••••••••
حسيت بملل نزلت و درت كيكه و حطيت عصير و فتحت التلفزيون
و انفتح الباب و خش محمد
و لا عبرني ر كب طول
و نزل : جهزى روحك ماشين للمزرعه عند عمتي و بنقعدو يومين
انا نضت بلا رد
جهزت شنطه صغيره فيها لبستين طلعه و لبستين للنوم و حطيت شامبو و فوطه و كم حاجه كريم ع عطر و ميك اب
و نزلت لقيته يستنى
ركبنا في السياره بلا كلام
" مش كان نقعدوا هكي خير من العراك"
وصلنا ع المزرعه كانت روعه قطعه من الجنه و اصلا ليا فتره ما طلعت و اتنفست هواء نظيف
حسيت براحه
سلمى : اهلين و و مرحبتين
و سلمت علينا
انا: اهلا بيك
سلمى نديرو دوره في المزرعه!
محمد : عندي مكالمه مهمه نكملها و نلحقكم
سلمى : هيا نادين
وقعدنا نتمشوا و كانت حلوه
وصلنا لعند الخيل
سلمى : هذا مامو
حصاني
انا: حلوو
قعدت تلعب هي وياه
سلمى : مرتاحه مع محمد
انا: الحمد لله
سلمىً: محمد عصبي بس قلبه طيب
انا"ماتحكليش ع طيبه قلبه نعرفها"
سلمى : تحبي تركبي خيل
انا: لا نخاف
محمد :مامو استاحشته
سلمى: هو الي استاحشك خودوا راحتكم خلي نشوف الطباخين و الغدي
انا مش ناقصه عراك معاه قعدت نتمشى بعيد عليه
هو انتبه بس خلاني براحتي
لقيت مكان معبي ورد و من كل الالوان
قعمزت لوطه بهدوء و قعدت نستمتع بالمنظر
كان خاطري نقطف ورده من كل نوع
حسيت روحي اتاخرت رجعت للحوش
لقيت الغدي واتي
و كانت كلها اصناف غربيه عندها حق لما تستاحش الماكله الليبيه
سلمى : ان شاء الله عجبكم
انا: حلو بس ما كلتنا احلا
سلمى: ههههه انتي مش متعوده عليه و صدقيني لو تتعودي عليه تكرهيه
