اكرهك •••فماذا لو احببتك؟!
الحلقه( 25 )
محمد قعدت تضرب فيا بكل قوتها الي الخوف خلاها ضربات خفيفه
انا: انت كيف ادير فيا هكي هذا كله تبي تنتقم مش مكفيك الي درته لتوا ياسرك اتعذب فيا ما رضيتش غرورك
هذا كله بين دموعها و ضربها ليا مااتوقعتش يصير فيها هكي واصلا مش ناوي انا ندير هكي و لا قاصده: اهدي شويه
و استمرت ع نفس الوضع : قتلك اهدي
و ما فيش فايده شدتلها ايدها : اسمعيني
شافتلي بعيون دابله و دموع مابتش توقف
محمد: عمتي صارلها ظرف خلاها تسافر و انا حاولت نتصل بيك بس ما با ش يعلق الارسال صدقيني حتى شغلي ما كملته و روحت
مش عارفه شن خلاني نصدقه بسهوله ممكن ندور ع الامان الي غاب عليا زي الغريق يتعلق بقشه
حضنته بلا وعي و بكيت ع صدره و بكيت وبكيت
منه و بسببه و بكيت لانه اماني الي نكرهه
مهما كرهتك فانت الامان
محمد انصدمت انها حضنتني و انا اول الاسباب في الي صارلها
ما عرفتش شن اندير و انا الي خليتها تخاف و لاول مره مش قاصد
خليتها تبكي لحد ما ترتاح
••••••••••••••••••••••••••••••••••••••••••••••••••••••
ريم فاقت الصبح ع اتصالات خالد بس ما ردتش
: مستحيل يقتنع هالانسان
سكرت التليفون و ناضت
خالتي : نايضه بكري مش عوايدك
ريم ابتسمت : صباح الخير
خالتي : صباح النور قعمزي افطري
ريم: باهي
خالتي : فكرتي
ريم ببرود : قتلك رايي من امس
خالتي بنبره تحذريه: رييم
ريم: بتغصبيني يعني ؟!
خالتي : لا بس فكري كويس
ريم: باهي
جنى: امتا نمسو لنادين
خالتي : توا هي مسافره اول ما تروح نمشوا
كملي فطوركً
••••••••••••••••••••••••••••••••••••••••••••••••••••••
انا لما هديت لقيت روحي حاضنه محمد بدون وعي و بدون تفكير
بسرعه وخرت
: انا نبي نروح
محمد : شني
انا: نبي نروح ل ليبيا
محمد : نادين
انا :قتلك نبي نروح
محمد : حاضر
ركبت و خليته
محمد ما قدرتش اناقشها و لا نقوللها شي لانها مش في حاله تخلها تسمعني و تفهمني حبيت نخليها ع راحتها طلبت غدي ا كيد مش واكله شي
وصلت لبابا دارها و ما عنديش الشجاعه الكافيه نخش
طقيت طقه خفيفه و ما جانيش رد
فتحت الباب
و لقيتها راقده و مش حاسه بشي واضح انها مش راقده و اول ما حست بالراحه رقدت
قلبي وجعني عليها مش عارف كيف
طلعت و خليتها
انا قعدت نفكر ف الي صار و الحق حاسه بخجل من الي درته ركبت و خليته افكاري ترفع و تجيب و شن بيقول عليا خوافه دلوعه الشي الوحيد الي طلعني من دوامه الافكار النووم
رقدت زي الميته بعد ليله من السهر و الخوف
