اكرهك •••فماذا لو احببتك؟!
الحلقة ( 27 )
روحوا و خلوني و اذكرت الي صار بعد ما نسيته في وجودهم
ركبت و ع امل محمد مهناش بس لقيته كانه يستنى فيا
محمد : ليش قلتي ل جوري ع الي صاررر
انا: نعم😳
محمد : سؤالي واضح و مش حنكرره
انا: هذا بدل ما تقولي اسف
محمد : شني ما اسمعتش!!!
انا: بدل ما تعتذر علي درته معاي الي هامك ليش قلت لجوري
محمد: شي بيني وبينك يقعد بينا مش لازم لا جوري تعرفه و لا غيرها
انا: اي اوامر ثانيه يا امير
محمد : نادين ما تستفزنيش
انا: و انت ثاني مره معاش تظلمني و اسمعني بدون تجريح (وشفتله بتحدي)
محمد : حاس لسانك طاول
انا : من حقي و لا يا تعذبني و نسكت يا اما لساني طويل خلي يكون طويل احسن و ناخد حقي
محمد : و الله
انا: اها
محمد : جوري معاش تسمع شي على حياتنا و الا تشوفي شي ما تتوقعيه
انا: نتوقع كل شي منك
طلع لل بلكونه و خلاني
الحق عصبني و النقاش معاه ينتهي ديما في طريق مسكررر كيف بنتفاهم معاه المغرور اووو نسيت الامير المغرور مع حفظ الالقاب
بس حتشوف يا محمد نادين ثانيه الايام بينا
قررت نعيش و كأنه مش في حياتي و نتجاهله
قطع افكاري: جهزي شنطتك غدوا بنمشوا للحوش
انا بدون رد خشيت نوتي في شنطتي
و نص ساعه جهزت كل شي
خش محمد
محمد : لا و انا شنطتي من بيوتها
انا : انت لانك قتلي وتي شنطتك بس
وما خليتاش يعلق
طلعت
محمد صدمني ردها لدرجه اول مره ما نعرفش نرد عليها ماشي يا نادين بتعاندي معاي تمام انا كل العناد عندي
انا ابتسمت لما نكرهك في عيشتك زي ما نكرهك
و رقدت مرتاحه
ثاني يوم نضت نشيطه دوشت و انا في قمه الهدوء و غيرت و نزلت لوطا
مهاب: شن هالنشاط صباح الخير
انا: صباح الورد
مهاب : انا بسبب المدرسه بكري تحرم فيا من النوم
و انتي
اناضحكت : بسبب خوك
مهاب : ههههه من ناحيه مزعج فهو مزعج
انا : هلبا جوري راقده
مهاب : اها
انا: شن تحب تفطر
مهاب: انا تسألي فيا😍 ما عمره حد طلب رايي فهالحوش
انا: اهو طلبناه استغل الموقف😂
مهاب : كريب
انا : من عيوني بس في المقابل ممكن تغششني شن تحب خالتي و جوري
مهاب : تي حاضر بكل 😂 جوري تحب توست و امي شكشوكه
انا: و المزعج محمد ؟
مهاب : قهوه بس
انا : اتوقعت
مهاب : نساعدك في الفطور
انا : لا ارتاح
خشيت المطبخ حطيت الشاهي ع النار و بدبت في الكريب و بعد ما كملته درت شكشوكه و اخر شي التست و اخر شي بكل قهوه محمد
جهزت السفره و ساعدني مهاب
جوري : واو ريحه الفطور تهبل
و الله ع منظر الطالوله يشهي : صباحوا
انا :صباح الورد
جوري بصوت واطي : مرتاحه اليوم
انا: ايه هلبا
جوري : كويس❤️
سعاد : صباح الخير
كلنا : صباح النور
مهاب : شوفي نادين دارت الفطور
سعاد : سلمها بنتي ربي يحفظك
انا : تسلمي خالتي
حسيت انهم عيلتي الثانيه كان نعرف محمد لمن طالع بسس
