اكرهك••• فماذا لو احببتك؟!
الحلقة ( 42 )
ياريت تسمعوا الفيديو الي حاطاته و تتخايلو كلماته و انتم تقروا في الحلقه
انا فقت الصبح ولقيت محمد جنبي و اذكرت الي صار بينا واني ماكنتش راقده اهنا
عرفته هو الي حابني اهنا يهبل وًهو راقد ً عيونه لحيته شعره كان جذاب
في نص تأملي لملامحه فاق
محمد : صباح الخير
انا اتوترت : صباح النور
محمد شاف ساعته : شن مفيقك بكري
انا : مش عارفه
طقت جوري : محمد هيا وقت عليا بيفوتني الامتحان
محمد هاك المفتاح ولعي السياره
وخش دوش ولبس
جوري : وتيلنا الفطور لبين ما جيت مش حنطول الامتحان ساهل
انا من عيوني
وطلع هو جوري
انا حست في الحوش شويه و كنت رايقه و جوي حلو مش مني من الحب
كل لحظه نتخايل محمد و كلامه و صوته و حركاته حتى عصبيته نحبها عشقي اميري المغرور
اوووو نسيت غروره بهبل يحقله ينغر
قعدت سارحه في روحي كيف انقلب رايي فيه كيف نسيت قسوته و تهديداته فعلا الي يحب حد يحب حتى اسوأ حاجه فيه او تنشاف حلوه
الحب يعمي القلب
خشيت للدار درت مكياج بسيط و حلو ركزت ع عيوني ب ايلاينر رفيع و ماسكرا تظهر جمال الرموش اما الروج وردي بدون لمعه و لبست حينز ازرق داكن و عليه فانيليه سكريه وفيها رشات ذهبيات قصيره من القدام توصل للركبه من الخلف وكتافها نازلات شويه تبين الكتاف
اما شعري قمته عشوائي
مع اني نعرف ان محمد مش راجع بس البست و اهتميت بروحي زياده لان جوي حلو و نفسيتي مرتاحه
( فعلا يا بنات لما يبدا جوك حلو تشوفي نفسك حلوه و تتفنني في ابراز جمالك )
رن الباب
اكيد جوري
و امشيت نجري
فتحت ننصدم ب
ريم
تجهز في روحها او تجهز في الحوش لان خالتي بدت تعطي فيها كورسات مكثفه عشان ينصلح حالها
ريممم : تعبت و انا ندير بروحي
خالتي : صوتك ما نسمعاشي بكل و كملي بسرعه
ريم: يا ماما هلكت
خالتي : كملي بسرعه ترتاحي بسرعه
ريم ناضت و هي تفكر ف العريس
و كيف تتصرف
وائل : خيراالقمر سارح و يفكر
ريم بزعل : يعني عاجبك لازم ننخطب بالغصب
وائل : ما في حد يغصبك
ريم: ماما
وائل :ما تخافيش تو نكلمها
ريم : يسلملي احلا اخ فالكون
وائل : يا بلعوطه هو عندك خو غيري
ريم: اهو ناخد بخاطرك و نرفعلك في معناوياتك
وائل : ما بعده الي بيطيح فيك اصلا ربي يحبه كان ترفضيه ههههه
ريم: الله يسامحك ☹️
خالتي : ريم مش وقت دوتكم
و انت يا وائل برا لرحوش نادين بنت خالتك جيبلي منها الحزام متاعي ناسياته عندها و ضهري نايض عليا
ريم : بنمشي انا معاه
خالتي : انطمري كملي ضمانك
ميسون ماشيه هي و عمتي تختار الفيلو
مع انها رافضه بس هي اصرت عليها و قنعتها او الاصح جبرتها تلبسه عشان نادر ماليشي ذنب وًما تحرمه ان عروسته تجيه بدون فيلو
ميسون دابله و ضاعفه و كل يوم في النازل لا تكال و يا دوب تشرب و تاكل شي حلو لما ادوخ
و عمتي منتبهه لهذا كله بس تكبد في قلبها و تصبر في روحها بكلمه كله ع خاطر مصلحتها
ميسون ف المحل تع الفيلوات جسد بدون روح
وما اختارت شي زي باقي لبسها و حاحتها
عمتي : حتى الفيلو بنختاره انا
ميسون بحسره: جت غر على هادي
عمتي دارت روحها ما سمعتهاش : شوفي هذا فضيع ما فيش احلا من هكي
