اكرهك•••فماذا لو احببتك
الحلقة ( 38 )
انا مشيت ل خالتي و جوري
و مش عارفه كيف بنقوللهم بس قررت نقول لجوري هي حتعرف كيف تتصرف
وصلت و انا خايفه
فتحتلي جوري الباب
جوري : صباحو جيتي في وقتك ماما دايره فطيره تهبل
انا: جوري
جوري : لحظه نجيب الشاهي من المطبخ
انا خشيت للصاله صباح الخير
سعاد : صباحك نور و سرور
سعاد : نادين مش على بعضك
انا : خالتي بنقولك حاجه و ماتخافيش كل شي تمام
سعاد : محمد محمد شن صارله و الله قلبي مش مستربح من امس و نكذب في روحي
انا: مهاب خبط السياره مافي شي رجله انكسرت بسسس
سعاد: يا حليلي ع ولدي
جوري جت تجري : احلفي نادين انه ما فيه شي
انا: و الله كويس غيروا خلي نمشوله
سعاد : جيبيلي عبايتي و وشاح ما قادره نوقف
خمس دقايق و جت جوري و طلعنا
و انا قلبي بيوقف على خالتي
موقف صاعب كان لازم نستعرض و نجي نقولهم انا
😧
وصلنا
و خشينا
سعاد : مهاب وليدي سلامتك يا عمري
مهاب حضن امه : ما تخافيش يا غاليه
جوري : توا غاليه لما خلعتنا عليك ؟
و خصناته
مهاب : ههههه اه بشويه ما تشوفيش فيا مدقدق
جوري : معفن و الله متت خوف
مهاب : ما تقوليش تحبيني
جوري : نكرهك باهي ؟
سعاد : ياسر عراك حتى وانت مدمدم تتعاركو
جوري و مهاب مع بعض : في دمنا
انا و خالتي سعاد ؛ هههههه
محمد كان واقف و يسمع
امه عرفاته زعلان منهم
وجت بتكلمه
انا همستلها : مش قدام مهاب
خالتي سعاد ابتسمت وهزت راسها بمعنى عندك حق
مهاب : اه
سعاد : شن تحس بوجع
مهاب : ايه
انا: اكيد مفعول المسكن انتهى
جوري : خلينا نطلعوا نخلوه يرتاح
انا: خلي انادي الممرضه تعطيه مسكن
و طلعنا
انا اشرت لجوري تمشي معاي
سعاد : محمد
محمد: ....
سعاد : بتقعد زعلان هلبا ؟
محمد : قريب ضاع مننا مهاب زي ما ضاع بوي
سعاد : ما تقطعليش قلبي
محمد : ليش ما قولتيلي طلع بالسياره
سعاد : ما قدرتش لانك بتعاركه وانا مش قادره نشوفك تقسى عليه و بدت تبكي بس و الله كنت بنوريه و بناخد المفتاح ما عاد نعطيهوله
يا محمد مهاب انحرم من بوه بكري و يبي من يحن عليه
محمد : اه مش قادر خايف عليه تلوموا فيا انتي و نادين خايف عليه خايف عليه
سعاد : عارفه ي وليدي
فاتو يومين و ما فيش جديد
مهاب اليوم بيعطوه خروج
محمد: الحمد لله ع السلامه
مهاب : محمد
محمد : اشششش
مهاب : اسف سامحني
محمد : انت خوي و اعز ما ليا ف الدنيا تعالى في
( وفتحله ايديه )
مهاب حضن محمد
محمد : مش حنسامحك بلاش توعدني تسمع الكلام و تشد قرايتك
مهاب : حاضر
محمد : انت لازم تكون راجل يعتمد عليه
مهاب : اي اوامر ثانيه
محمد : كان اتفكرت حاجه تو نقولك
مهاب باستغراب : شن مازل تاني
محمد: ههههه لا تمام
