اكرهك•••فماذا لو احببتك؟!
الحلقه ( 47 )
انا حاليا فاقده الامل ان علاقتي بمحمد ترجع زي ما كانت الي قاعده ما بدتش اصلا
الي عشته حلم حلو فيقني ع كابوس
مرات وصلنا للنهايه النهايه الي تخليني ما نخوضش حرب انا خاسره فيها
السؤال ليش محمد ما يخليناش ننفصلو في شن يفكر و لوين يبي يوصل
حنعيش نفس المشاعر من جديد حيعذبني ثاني
كيف حنواجهه هالمره و انا نحبه
بس هو ظلمني ليش كل مره هكي بدون ما يسمعني و لا يفهمني و لا نفهم ليش يصير هذا كله
تعبت من التفكير و نزلت لاني جعت و اصلا مهما فكرت مش حنعرف شي ولا حنعرف ليش حبيت انسان زيه امير و مغرور
وصلت للحوش و ما نبيش نشوفها
بس ما فيهاش كيف
لازم نجيب الورق
مش عارف شن صارلي لما شفتها قدامي
كانت دابله و وجها اصفر حسيتها انها مش مرتاحه و تعبانه
حاولت انحي الافكار من بالي و خشيت للمكتب بدون ما نكلمها
ما نقدرش نباعد عليك و لاًنقرب منك
انا لما شفته اتجمد الدم بعروقي
مستاحشه نشوفه رغم من كل شي صار ليش انا ضعيفه هكي
المفروض بعد الي صار وًالي يصير انا الي نطلع من حياته
قاطع افكاري صوت تليفونه الي يرن
محمد/ ايوا
سعاد/ ما تقوليش وينك لا كلمتنا لا دورتنا ليك اسبوعين
محمد شد قبضه ايده معقوله نسيتهم : سامحيني يا غاليه والله لانشغلت
سعاد/ و نادين لا تقول نرفع تليفون و لا تجي
ع طول محمد شافلي
/ اي تعبانه شويه
سعاد / اسمع في ناس بيجو يخطبوا اختك
محمد / كيف
سعاد / تعالى نحكو وجيب معاك نادين
جيل اخر زمن انا الي نفكرك ب امك
سكرت ف وجهه
محمد : حهزي روحك نفوت عليك بعد ساعتين نمشو
انافهمت انه كان يكلم ف امه
: تمام
و طلع بدون اهتمام
ميسون كانت توتي ف الغدا و مشغوله
خش نادر و ما انتبهتش
ميسون : اي نسيت مالقي الميه
وهي موخره خبطت في نادر و قريب طاحت بس شدها من خصرها
اتعلقت عيونهم في بعض و ميسون انحرجت
: اسفه ما شفتكش
نادر : كنت سارحه ناديت عليك ماردتيس
ميسون ؛ والله ما سمعتك و انتبهت ان نادر شادها وخرت
اا صلي لبين
ما كملت وتعالى نتغدو
نادر هز راسه بدون ما يرد و امشي
ميسون اتوترت و خدودها اتوردو قلبها يدق بسرعه
خشت غسلت وجها في المطبخ و كملت حطان الغدي
وقعدت تستنا في نادر
قعمزو ياكلو بدون و لا اي كلمه
وصلنا لحوش العيله طبعا بدون ما يعبرني و لا نعبره
جوري : والله استاحشتك و سلمت عليا
و همستلي ماما واصله حدها
اناحسيت بالاحراج
سعاد : اهلين بنتي كيف حالك
انا سلمت عليها
سعاد : مع اني زعلانه لاكن ما نسخى فيك
محمد : اه تلمحي يا غاليه شكلك
سعاد : انت ما تحكيش معاي
محمد بدون وعي : توا نادين فضلتيها عليا
انا شفتله ب استغراب
سعاد: ايه هي خير منك
قرب منها و باس راسها
محمد: والله انشغلت سامحيني
سعاد و قاعده زعلانه : توا مش وقته نبيك ف شي اهم جوري : ديرلنا قهوه
انا: خلني نساعدك و طلعت
سعاد: سلمها الذوق شفتها خلتنا نحكو ع راحتنا جتني كنه زي العسل ربي ما يحرمني منها
محمد : شن قلتي تبيني
سعاد: جاي عريس
محمد : لمن😶
سعاد : ليا🙂
محمد : اه شني 👀
سعاد: لجوري يا همي منك
