اكرهك ••• فماذا لو احببتك
الحلقة ( 36 )
اتصلت بيه المره الاولى ما ردش عاردت و اول ما انفتح الخطط
انا/ انت كويس ؟
محمد مستغربني / نادين
انا/ جاوبني انت كويس😨
محمد / اموري تمام خيرك
انا/ لا ما في شي
محمد/ صوتك يرعش
انا/ حلمت بشي مش حلو
محمد / اتعوذي من الشيطان و نوضي صلي ركعتين
تو ترتاحي
انا/ رد بالك ع روحك و سكرت
محمد : لها الدرجه خايفه عليا برغم كل شي درتهولك
انا قعد الحلم بتكرر في راسي و قلبي مغموم
نصت اتوصيت و صليت و قعدت ع السجاده بالي مشغول
اذن الفجر صليته و رقدت و انا خايفه نحلم ثاني
عند محمد يكلم في علاء / يعني نكون هاني ؟
محمد / سلام توا
الصبح
ماما تفيق فيا : مش معقوله انتقلتك العدوه من ريم
انا: اممممم تعبانه
صهيب : دادين ( وجي خش معاي في السرير)
ماما : باهي ارقدو شويه
انا: حتى انت ماما نوضاتك
صهيب : ضضت بوحي
انا: هههههه بترقد ثاني
صهيب : ايه
حضنت صهيب و عقلي مشتت مشغوله ع محمد
و فجأه اذكرت المكالمه نطيت من مكاني
صهيب انخلع : دادين
انا : كمل نومك حبيبي
انا: لا اكيدا حلم مستحيل نكون انصلت بيه مستحيل
و قعدت نشوف في المكالمات
لقيت روحي متصله بيه
مش حلم
انا : شن بيقول عليا بسسسس
نضت نكتت الحوش و نبي ننسى
ماما: من امتى كل هالفلاحه
انا: من توا يا مامي
ماما: امتا بيروح محمد
انا عارفتها تو بتعشش: بعد يومين
ماما: ما تبيش تقوليلي شن في
انا : والله ما في حاجه
ماما : ان شاء الله نمشي ندير الغدا نوضي صهيب و افطري انتي وياه
انا نوضت صهيب دوشتله و غيرتله
و حطيتله الفطور في الصاله
قعدت انفطر فيه و انا بالي مشغول
انا : صهيب اشرب الحليب
صهيب : دوتلك حبس حليب
انا : اسفه
و رن الباب
صهيب : انا امسي اكيد بابا جابي سوالاته
انا ضحكت : ههههه
و نط صهيب يجري
ريم اتفكر بوسام و الي قاله و سام باهي ل امتى بنهرب من الحب
زعما نقعد نحبه و ملهوفه عليه زي ف الافلام
باهي ليش وسام لما قالها ما كانتش زي قبل
حيرتني
خالتي : بتجننيني انتي
ريم: اي اوامر ثانيه ضميتلك الصاله
خالتي : ساعه انادي شن الي تفكري فيه
ريم : قولي شن تبي
خالتي : تو نوريك ع قله الادب تحركي سيقي الحمامات
ريم: مش شغالتكم انا راهو
خالتي : و الله ما ني عارفه كيف بتفتحي حوش انا
تحركي من غير كلام زايد
جنى ضميت داري ماما تبي ندير حاجه ثانيه
خالتي : سلمها بنيتي الفالحه لا بري العبي توا
ريم شافت لجنى ببغض بدون ما تتكلم و امشت
وهي تسيق في الحمام : ع اساس توا هذا كله عندها مصلحه جنى ما فيش حاجه بلاش
دمها قعد فاير لين كملت
ريم: لا خلي نتصل بنادين و الله راسي بيتفجر خلي ادورلي حللل
