#اكرهك_فماذا_لو_احببتك؟
الحلقة ( 5 )
لاني ما قدرتش نرقد كويس في الليل فقت الصبح تقريبا متأخره و جهزت روحي ع السريع
جنى ناضت تحك في عيونها : وين بتمشي نادين
انا: العمل ( رديت و انا مشغوله بروحي و مستعجله )
جنى: باهي جيبلي سكلاته و سيز كيك
انا: حاضر حاضر كملي نومك توا مازال الوقت بكري
ولعت السياره و طلعت
وخايفه نتأخر
اتصلت ماما رديت و انا مش منتبهه
ماما: نادين انتي وين
انا: في الطريق ماما نوصل و نكلمك توا نسوق
و انا نرجع في التليفون فجأه طلعت سياره قدامي
وو
.
.
.
•••••••••••••••••••••••••••••••••••••••••••••••
ريم ماشيه للكليه غصب و مكسله لان خالتي حلفتلها ما تغيب و اتمتم بينها و بين نفسها اووف تعبت و مليت لامتا نقعد نمشي و نجي و انوض بكري و الغياب ممنوع نبي نرقد يوم مرتاحه
وفجأه
خالد : ريم
ريم: خخ خالد😮
خالد : ممكن نحكي معاك في شي مهم
ريم: تمام وقعمزوا ع الكرسي في حديقه الكليه
خالد : بدون مقدمات
ريم: اها لا نبي مقدمه انا😂
خالد: ما استغربتيش وين كنت الفتره الي فاتت و ليش ما نردش عليك
ريم طبعا ما كانش يهمها لانه تحسابه فاتها: وين
خالد: نهرب منك
ريم: مني!!!
خالد : خايف ...وسكت...
ريم قعدت ساكته تبيه يكمل
خالد: نتعلق بيك و انتي ما تبادلنيش نفس المشاعر
ريم رغم علاقاتها الهلبا بس ما اتعودت هكي من الي تكلمه يعني كله كلام حلو و معسل نصه كذب يعني تفويت وقت و كانت زي ماهي تتسلى الكل يتسلوو
خالد: حبيتك............ هذا لو الي يتسمى الي انا فيه حب و ما اتوقعت بنت تاخد مكانه في قلبي و لا جزء من تفكيري اصلا
طول عمري مش مقتنع بالحب و نقول مستحيل
بس شكل المستحيل واقع
ريم: .....:
خالد: نفكر فيك ليل نهار في صوتك و في ضحكتك و في كلامك و ف غرورك و من لما شفتك ولا يوم غبتي على بالي
مش عارف شن خلاني توا نجي و نقولك كل الي قلته بس الي قادر نستوعبه ان عقلي مش معاي
معاك انتي ولا عارف قلبي وين مرات نقول معاك و مرات نقول انا مش متأكد من البنت بالك تكرهني
ريم لاول مره تمر باللي صار : فف ج أتني
خالد : مش طالب منك شي ولا رد حتى
نستأذن
ريم: خالد
خالد: فكري و ردي عليا لو حسيتي اني مش مهم في حياتك انا قابل و لو حسيتي العكس نستنا في اتصالك
و امشي
وخلى ريم في حيره لاول مره تحتار او الاقرب صدمه غريب الي يصيرلها مع انها تتوقع انها مقطعه السمكه و ذيلها ههههههه
••••••••••••••••••••••••••••••••••••••••••••••••
طلعت سياره قدامي وو ف اخر لحظه باعد ع طريقي و انا من السرعه خبطت في الفودرا
نزل الراجل : صارلك شي؟
انا: نص واعيه :
اا
......: انتي كويسه؟؟؟
انا: دايخه
.....: نمشوا للمستشفى
انا : ما فيش داعي
ونزلت بنت من سيارتها: اختي ما فيك شي
و باعد الراجل الي كان واقف
فتحت هي الباب وخلتني ننزل
جابتلي اميه و عصير و انا بعدها وليت احسن و الراجل قعد بعيد
البنت: ما تبي شي امورك كويسه
انا: تمام شكرا
و امشت
انا امشيت للشاب: اسفه خوي ان شاء الله ماصارلك شي
الشاب : لا تمام ان شاء الله انتي كويسه
انا: الحمد لله اسفه اناالي غالطه و حق التصليح عليا
الشاب : سيارتي ما صارلها شي و لا سيارتك حصل خير نستأذن
