اكرهك •••فماذا لو أحببتك؟!
الحلقة ( 41 )
انا مشيت للسياره و طقيت ع المرش
محمد انتبهلي و حسيته مش ع بعضه فتحت الباب : فيك شي ؟؟؟
محمد : .....
انا: مروح بكري تعبان ؟
محمد مش قادر نستوعب و ما نبيش نصدق اني شفت فرح وفهالوقت بالذات افكاري تشتتوا
ضعت
نشوف لنادين قدامي ومش قادر نسمع شن اتقولي
كل شي مشوش بالنسبه ليا
كيف تعرف فرح من وين وشن جاب فرح اهنايا
انا : محمد محمد
محمد : اششششش ما نبيش نسمع صوتك
انا انصدمت
نزل من السياره و جبذني من ايدي لين خشينا داخل
انا: محمد شن في توجع فيا اه ايدي
ما سيبنيش الا لما خشينا للدار سكرها
محمد بعصبيه : انتي كيف طالعه بلاحجاب و الباب مفتوح
انا انصدمت: انا حاطه الطاقيه متع التوب
محمد بعصبيه اكثر ؛ و شعرك الي نصه البرا شن قصته
انا: اا
محمد : نادين ما نحبهمش الحركات اهما لنفرض جي حد شن يكون منظرك و منظري
و بعدين من الي كانوا هنايا مني و ليش ما قلتيش بيجيك حد ولا مش حوشي هذا و مفروض نعرف من يخشله
انا من الخوف مش قادره انرد عليه
محمد : اتكلمي ما تحرقليش دمي
انا : ج جود صاحبتي من ايام الثانوي
محمد : كيف صاحبتك و عمري ما سمعتك قلتي اسمها
انا : كانت مسافره
محمد : ومن الثانيه صاحبتك حتى هي
انا : لا اخت جود جايبتها و روحت بيها
اسفه
ما كنتش نعرف انك حتتعصب هكي
محمد
كنت نطلع في عصبيتي فيها او لاني مش عارف كيف نبرر صدمتي قدامها
شكلي اتعودت نجرحها اناني و قاسي و ما عنديش قلب ونبيها اتحبني و ليش صار فيا هكي لما شفت فرح مش طلعتها من قلبي و طلعت الحب من راسي و اتعقدت بسببها
طلعت و سكرت الباب بالقوه
وخبطت ايدي ع الحيط بكل قوتي
حتى الالم ما حسيته لان النار الي ف قلبي توجع اكثر من اي شي
انا طلعت وراه وشفته كيف ضرب ايده
بس ما قدرت نلحق عليه
خفت عليه و في نفس الوقت وجعني كلامه وجعتني عصبيته
كيف نقدر نحس ب احساسين مختلفين في نفس الوقت
طول الوقت مشغوله بيه فات الوقت ساعه ورا ساعه و ما روحش
ما قدرتش نتصل بيه
ما عرفتش كيف نتصرف و لا لمن نحكي
ليش يا غبيه خايفه عليه مش هذا الي يجرح فيك ديما شن شفتي منه غير الوجع
ولا شي غير الوجع و التعب و الالم و كل شي مش حلو و رغم هذا كله حبتيه المره هادي قلبي واجعني بزياده لان لاول مره يجرحني و هو حبيبي ع الاقل بالنسبه ليا
مسحت د موعي و اتنفست بعمق قدام المرايا لازم نقعد قويه ع الاقل قدام جوري مش لازم تحس بشي
و طلعت لقيت جوري ف الصاله
انا: صح النوم حبيبتي
جوري : شكرا
انا: اسفه ما طيبتش لهيت مع البنات
جوري : نديروا سندوتشات
انا: اها
جوري : هيا خلي نغير جوي
نمشوا لمحمد الي قعد يلف بالسياره و قلبها واجعه
و عقله بيوقف من كثر التفكير
و نخلوه يحكي هو ع الي في قلبه
محمد : كيف قسيت عليها ثاني ليش توجعها و هي ماليهاش ذنب و لا ليها علاقه
فرح شن رجعك لحياتي من جديد و امتا لما نحس بمشاعر اتجاه نادين لما نحس اني بديت نحبها
سوء الحظ الي خلا اخت فرح صاحبه نادين
و امتا توا توا ( وقعد يضرب في الدومان ب ايده)
