اكرهك •••فماذا لو احببتك؟!
الحلقه ( 48 )
ليله من التفكير تفوت ع الكل
ميسون الي تفكر في نادر كيف يعامل فيها و الاهم كيف يعامل في اهلها و مهتم بيهم
في اوقات تمر ع الانسان يعرف شن الي لازم يديره بس للاسف ما يقدرش
ميسون قاعده في نفس الخانه لاقادره تقدم خطوه ولا ترجع خطوه
لا تقدر تقربه منها و لا تبعد عليه و بعد تردد و عتاب لنفسها
ميسون واقفه قدام نادر و واضح التردد عليها حتى حس و فهم و بعد وقت طويل : حبيت نقولك شكرا على
نادر : على شني
ميسون بعد ما خدت نفس عميق : على معاملتك ل اهلي
نادر : هذا بس الي تبي تقوليه
انصدمت منه ميسون
نادر : انا ما نبيش تشكريني اهلك من يوم اتزوجتك ولو اهلي و يشهد الله عليا
انا حابب نسمع منك اي شي حتى لو شكرا الي ما نبيهاش
ميسون : اتوترت
نادر : و يعلم ربي معزتهم من معزتك
ميسون اتلخبطت و معاش عرفت ترد
نادر امشي و خلاها لان مش حاب يظغط عليها
ايه حبيتها يا نادر مع انك مش متوقع حاجه زي هكي
ريم تفكر في حبها ل وسام وًكيف و سام قدر يغيرها و خلها تحب و ما تشوفش لحد غيره
و وسام الي عايش و مش عايش
ايه يحبها و كل ما يتفكر اتفاقه هو و خالد يموت الف موته لان القلب دق ليها و نادم ولو يرجع بيه الزمان ما يديرش حاجه زي هكي لانه عارف انه حيجرح ريم جرح كبير
خالد/ اه شن يا راجل عند اتفاقنا
وسام: ايه اكيد
خالد : الخطوبه قربت
بس عجلنا ف العرس مش تستانس
وسام /تم يا خالد الي تبيه يصير
خالد /خيرك ما عندكش خلوق و لا بتتراجع
وسام /عيب عليك كل شي كيف ماتبيه
خالد / باهي تصبح ع خير
سكر وسام التلفون و حذفه ع الحيط لين تكسر
وسام: يارب كيف ندير كيف
جوري تفكر ف انس و ف الي يستنا فيها و كانت حاسه بفرحه كل بنت خطبها انسان كويس و كل بنت تتمنها
قاطع تفكيرها الحلو اتصال رهف
جوري / شن تحلمي بيا
رهف/ لا والله خوك داير عمايل ف نادين
جوري / حسيت احكيلي
و حكتلها رهف كل شي
جوري/ محمد بهبلني 😞
رهف/ دبري كيف خليهم يتصالحو
جوري/ تو نشوف
الموضوع طيري انس انتظار
رهف/ عاد توا كيف بنلحقوا عليك
جوري / هههه باي
وصلنا للحوش حاولت نبي نحكي مع محمد زي ما قتلي رهف وقفت قدامه زي الطفله الي دايره عمله
وقبل لنتكلم رفع ايده قدامي✋🏻: ما نبيش نتعصب نفضل انك تخشي ترقدي
و امشي و خلاني
انا: مغرور مغرور خشت لداري و قفت ع المرايا
انا مازال نعبره انا
كذابه تحبيه
لالا مش توا توا حاسه بغل منه باااارد
و ا مشيت رقدت
الصبح فقت و مالقيته اصلا ما خاطريش نشوفه
و اتصلت جوري
انا/ الو
جوري/ ربع ساعه وتي روحك بنجيك نطلعوا نشرو حاجات
انا/ من عيوني نستنا فيك
نضت دوشت و غيرت
مرو اسبوعين هادين على غير العاده
