បន្ទាប់ពីនិយាយសម្រុះសម្រួលគ្នារួច ថេយ៉ុង ក៏បើកប្រអប់អាហារនិងទឹកស៊ុបឲ្យ ជុងហ្គុក ញ៊ាំនៅថ្ងៃត្រង់នេះព្រោះមកមួយព្រឹកគឺនាយតូចគិតតែពីនិយាយរឿង ជុងហ្គុក ស្រីតាមមកដល់ផ្ទះមិនឈប់ថ្នាក់ប្រពន្ធគេនៅនឹងមុខច្រងរៗបែបនេះហើយទាល់តែរាងក្រាស់អង្វរឲ្យគេឈប់និយាយនិងលួងលោមនាយតូចថាគេមិនបានមានស្រីស្អីនោះទៀតពិតមែនទើបគេព្រមឈប់លែងបន្ត។
« ប៉ុន្មានថ្ងៃទៀតម៉ាក់បងមកវិញហើយពួកយើងនឹងនាំអូនទៅនិយាយពីរឿងរៀបការនិងប្រាប់ពីទំនាក់ទំនងរបស់ពួកយើងឲ្យគ្រួសារអូនបានដឹង » នាយញ៊ាំបាយបណ្ដើរនិយាយជាមួយរាងតូចបណ្ដើរ។
« អូនខានទាក់ទងទៅអ្នកម៉ាក់យូរហើយមិនដឹងជាគាត់សុខទុក្ខយ៉ាងណាទេឯលោកប៉ាវិញក៏មិនដឹងថាគាត់មកវិញហើយឬនៅ ? »
« ចាំទៅនិយាយសរុបក្នុងមួយថ្ងៃនោះតែម្ដងចុះ »
« អូនថាដល់ពេលដែលអូនត្រូវទៅផ្ទះវិញហើយបងធ្វើការរបស់បងបន្តចុះណា៎!! » ថេយ៉ុង ងើបឈរឡើងពីសាឡុងនិងកាន់កាបូបស្ពាយដៃតូចរបស់ខ្លួនដែលយកមកតាមនោះចេញទៅវិញ។
« ចាំបងជូនទៅ »
« មិនអីទេអូនឲ្យ ហាន់ស៊ូ ជូនទៅក៏បាន »
_តុក~តុក
« លោកអគ្គនាយក...បន្តិចទៀតនេះមានគេសុំជួបចាស៎ » លេខាស្រីក៏បើកទ្វារចូលមកជម្រាបដល់នាយដែលកំពុងអង្គុយញ៊ាំបាយនោះ។
« នាងទៅវិញចុះ »
« ចាស៎ » នាងក៏រុញទ្វារចេញទៅវិញឯ ថេយ៉ុង ក៏ត្រូវ ជុងហ្គុក ចាប់ថើបឲ្យអស់ចិត្តសិនទើបគេឲ្យនាយតូចទៅវិញឯនាយក៏ត្រូវទៅជួបភ្ញៀវនៅពេលនេះដូចគ្នា។
#Skip
+1សប្តាហ៍ក្រោយមក
ថ្ងៃនេះគ្រប់រយៈពេលមួយសប្តាហ៍ទៀតហើយដែលត្រូវជាថ្ងៃអ្នកស្រី ចន ត្រឡប់មកពី ប៊ូសាន វិញក្រោយពេលសម្រាកលំហែកាយនៅឯទីនោះយ៉ាងមានសុវត្ថិភាពសុខស្រួលមានកម្លាំងគ្រាន់ជាងមុន។ ជុងហ្គុក និង ថេយ៉ុង ក៏ទៅទទួលគាត់មកវិញដោយផ្ទាល់ពេលនៅតាមផ្លូវអ្នកស្រី ចន ក៏សួរនាំរឿងខ្លះៗពី ថេយ៉ុង ដើម្បីស្អែកនេះគាត់នឹងនាំកូនប្រុសរបស់គាត់ទៅជួបគ្រួសារខាង ថេយ៉ុង និយាយពីរឿងទំនាក់ទំនងពួកគេនិងរឿងរៀបមង្គលការភ្ជាប់សាច់ភ្ជាប់ឈាមគ្នាតែម្ដង។
YOU ARE READING
មន្តស្នេហ៍ Omega // j.jk x k.th
Romance"ពពោះកូនឲ្យបងទៀតមក" Main characters: Taekook Date : 7.April.2021
