មន្តស្នេហ៍ Omega // j.jk x k.th

ភាគទី:០១ ផ្ដើមរឿង

#ផ្ដើមរឿង......

ចន ជុងហ្គុក រាងសង្ហាវ័យ ២៣ ឆ្នាំកម្ពស់ខ្ពស់ស្រឡះ ទឹកមុខរាបស្មើមិនចេះញញឹមបន្តិចណាឡើយ ចរិករបស់នាយឃោឃៅនិងសាហាវព្រៃផ្សៃបំផុត។ នាយមានឈាមជាប្រភេទពពួក អាល់ហ្វា ដែលអាចធ្វើឲ្យពពួក អូមេហ្គា មនុស្សប្រុសមានរូបរាងតូចដូចជាស្រីអាចពរពោះបាន។ អូមេហ្គា គឺជាពពួកដែលស្ថិតនៅខាងក្រោមទ្រូងរបស់ អាល់ហ្វា ដែលមានអំណាចគ្រប់គ្រងគេអាចនិយាយបានថា អាល់ហ្វា ជាប្ដីជាមេគ្រួសារ ចំណែកឯ អូមេហ្គា ជាប្រពន្ធជានាក់ដែលត្រូវមើលថែទាំកូនៗ។

នៅទីក្រុង សេអ៊ូល នេះអ្នកណាៗក៏ស្គាល់ដែលថា ចន ជុងហ្គុក ជានរណា ? ហើយស្ថិតក្នុងឋានៈអ្វី ? និយាយអោយចំទៅនាយក៏ជាម៉ាហ្វៀមានមុខមាត់ម្នាក់នៅទីក្រុង សេអ៊ូល នេះដែរ។ ទៅដល់ទីណាក៏មានតែសត្រូវតាមសម្លាប់រាប់មិនអស់គ្រាន់តែនាយរត់យករួចខ្លួនសិនប៉ុណ្ណោះ ពេលណាដែលមានឱកាសនឹងសងសឹកវិញមិនខាន។

+Seoul
ភូមិគ្រឹះ🏛 Time 6:50

ប្រាវ~~ថូរផ្កាបុរាណតម្លៃរាប់លានវ៉ុនក៏ត្រូវធ្លាក់ចុះមកលើឥដ្ឋបែកខ្ចាត់ខ្ចាយពេលរាងសង្ហាក្រវែងរបស់ចោលដែលនៅជិតដៃបែកអស់ ពេលនេះកំហឹងកំពុងតែចូលខ្លួននាយទៀតហើយ។

« អ្នកណាជាអ្នកធ្វើរឿងនេះ ?? » ជុងហ្គុក ស្រែកមួយប្រាវពេលបានឃើញទំនិញរបស់ខ្លួនដែលជិតនឹងនាំចេញទៅក្រៅប្រទេសនោះត្រូវឆេះយ៉ាងសន្ធោសន្ធៅដូចជាមាននាក់លួចដុតវាអញ្ចឹង។

«ចៅហ្វាយ វាទើបតែកើតឡើងប៉ុន្មាននាទីមុននេះទេ» ជុនហូ ជាជំនិតប្រុសដែល ជុងហ្គុក ទុកចិត្តជាងគេក្រោយពីបានដឹងរឿងនេះភ្លាមទើបប្រញាប់ប្រញាលមកប្រាប់ចៅហ្វាយនាយដោយមិនអាចខកខានឡើយ។

« មិនបានទេ យើងនឹងទៅតាមរកហើយសម្លាប់វាឥឡូវនេះ!! » ជុងហ្គុក បិទ laptop ដែលភ្ជាប់ជាមួយកាមេរ៉ាសុវត្ថិភាពដើម្បីឃ្លាំមើលទំនិញនោះមួយទំហឹងងើបឈរដើរចេញពីបន្ទប់ធ្វើការយ៉ាងលឿនសម្ដៅទៅរកឡានបើកចេញទៅទាំងយប់។

« ចៅហ្វាយចាំខ្ញុំផង » ជុនហូ ស្រែកឃាត់មិនទាន់ចៅហ្វាយនាយក៏បើកឡានចេញទៅម្នាក់ឯងមុនបាត់ទៅហើយធ្វើឲ្យនាយ ជុនហូ ឡូឡាដេញកូនចៅក្រោមគំនាបរបស់នាយចេញទៅតាម។