ក្នុងកិច្ចប្រជុំរវាងដៃគូរកស៊ីមុខជំនួញនិងដៃគូភាគហ៊ុនជាមួយលោកអគ្គនាយកក្រុមហ៊ុន JJK GP ក៏ត្រូវបានបញ្ចប់។ គ្រប់គ្នាដែលនៅក្នុងសាលប្រជុំក៏នាំគ្នាឱនគំនាបនិងចាប់ដៃទុកជាការសហការជាមួយ ជុងហ្គុក រួចទើបនាំគ្នាចេញត្រឡប់ទៅវិញ។
« ហាន់ស៊ូ...ឯងយកឯកសារនេះទៅឲ្យលេខា យ៉ូ បន្តិចទៅយើងត្រូវចេញទៅហើយ!! »
« បាទចៅហ្វាយ » ហាន់ស៊ូ ទទួលឯកសារពីដៃរបស់នាយជាចៅហ្វាយរួច ជុងហ្គុក ក៏ក្រោកឈរដើរចេញទៅរកទ្វារ។ ដើរមិនទាន់បានប៉ុន្មានជំហ៊ានផងក៏មានអ្នករុញពីខាងក្រៅចូលមកមុនធ្វើឲ្យទ្វារនោះវិះនឹងបុកចំនាយទៅហើយ។
« យ៉ាងម៉េចឯងហ្នឹង ? គ្មានសណ្តាប់ធ្នាប់ទេហ៎េស ?? » នាយថាស្ដីឲ្យ ជុនហូ ទាំងកើតចិត្តខឹងបន្តិចបន្តួចដែរ ដែលកូនចៅរបស់នាយធ្វើបែបនេះ។
« គឺ...គឺចៅហ្វាយចាំខ្ញុំសុំទោសពេលក្រោយចុះ ប៉ុន្តែពេលនេះបាត់អ្នកប្រុសតូច ថេយ៉ុង និងអ្នកប្រុស ជេហ្យុន ហើយចៅហ្វាយ!! » ជុនហូ រៀបរាប់ទាំងត្រហេបត្រហបស្ដាប់មិនចង់បានធ្វើឲ្យ ជុងហ្គុក ដែលឈរចាំស្ដាប់ជ្រួញចិញ្ចើមចូលគ្នា។
មុននេះ ជុនហូ បានទៅភូមិគ្រឹះដើម្បីទទួល ថេយ៉ុង និងកូនប្រុសចៅហ្វាយមកកាន់ក្រុមហ៊ុនតាមបញ្ជា ប៉ុន្តែពេលទៅដល់ស្រាប់តែអ៊ំមេផ្ទះប្រាប់ថាមិនឃើញពួកគេទាំងពីរមកវិញនោះទេបាត់ទៅយូរគួរសមហើយ ធ្វើឲ្យនាយជាជំនិតត្រូវតាមរកដែលប៉ុន្តែមិនបានឃើញក៏មកតាមចៅហ្វាយនៅឯក្រុមហ៊ុនវិញតែម្ដង។ រឿងធំដល់ថ្នាក់នេះទៅហើយទុកទៀតមិនបាននោះទេ!!
« ថាម៉េច ?? នេះបាត់គេមិនឃើញមកវិញទេហ៎េស ?» ជុងហ្គុក សួរទាំងក្រឡោតបើកភ្នែកធំៗ។
« បាទចៅហ្វាយ...ខ្ញុំបានឲ្យគេចេញទៅតាមរកហើយ!! ហើយក៏ឲ្យគេទាក់ទងទៅដែលប៉ុន្តែគ្មានការឆ្លើយតបពីអ្នកប្រុស ថេយ៉ុង វិញទេទាន! » ជុនហូ
« ចង្រៃយ៍!! ម៉េចក៏ពួកវាហ៊ានបណ្ដោយឲ្យ ថេយ៍ ចេញក្រៅម្ល៉េះ ?? បើសិនជាប្រពន្ធកូនយើងមិនមានសុវត្ថិភាពទេនោះ ពួកឯងត្រៀមខ្លួនទៅ » នាយគម្រាមទាំងខឹងជាខ្លាំង ដៃទាំងពីរក្ដាប់ជាប់យ៉ាងណែនតែនតាប់ ឯទឹកមុខនិងកែវភ្នែកប្រែទៅជាគួរឲ្យខ្លាចមួយរំពេច ដូចជាបិសាចចូលសន្ធិតអញ្ចឹង មុននឹងនាយបោះជំហ៊ានវែងៗចេញទៅយ៉ាងញាប់ៗ។
YOU ARE READING
មន្តស្នេហ៍ Omega // j.jk x k.th
Romance"ពពោះកូនឲ្យបងទៀតមក" Main characters: Taekook Date : 7.April.2021
