كيفكم ان شاءالله تمام ؟ اعتذر للي ما رديت عليهم سواء في الخاص والمنصه او التويتر بس اتفرغ من التحديثات برد عالكل ..
استمتعوا 🌷
. .
تلازمني وكأنك جزء مني ، وكأنك معتقد أو فكره وكأنك اقسمت ألاّ تفارق مخيلتي !
؛
بعد اسبوع من احداثنا الأخيره
رائد الي كان توه متروش دخل غرفته ينشف شعره وهو يدندن بمزاج عالي لأنه بيطلع السينما مع مبارك وبنفس الوقت بيقابل تيم وفراس هناك ، نزل منشفته وتعطر وحط مرطب شفايف ومشى رمى حاله عالسرير وهو يتنهد بسعاده ، دقايق سمع صوت نغمة جواله الي تدل على وصول مسج ، سحبه ودخل عالسجل وهناك لقى المسج الي كان من رقم غريب عفس وجهه وفتحه وكان محتواه : ابعدعنالمحاميواقطعالتواصلمعهحالاً .. حذرتك
توسعت عينه وجلس على حيله بصدمه ، جاء في باله كلام فيصل وان سامي يراقبهم ومو عاجبه موضوع لقاءاتهم وشهق .. ما توقع ان هالموضوع بيوصل لهالدرجه ، سكر المسج ودخل على سجل الاسماء بسرعه وحاول يتصل على فيصل لكنه لقى جواله مقفل ، اتصل على منيف لأنه ممكن يلاقي فيصل عنده بس الثاني بعد ما رد عليه .. نغزه قلبه وما عرف ايش يسوي وبالأخير قام لبس ملابسه بسرعه وطلع من الفيلا وارسل مسج لفراس يطلب منه لوكيشن فيلا فيصل وتوجه للمكان عالفور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصل عند البيت ولما شاف سيارة فيصل قدامه رجع يتصل عليه بس الثاني ما كان يرد عليه استغرب هالشيء وتوتر بزياده وهالشي خلاه بالأخير ينزل ويدق جرس الباب ، تلفت حوله يدور اذا احد وراه او لا وبعدها نفخ خده ورجع يدق باصرار وهو واقف تحت حرارة الشمس لين بالأخير سمع خطوات ورى الباب وزفر براحه لكنه ما توقع المفاجأه الي قابلته لما انفتح الباب وشاف الشخص الواقف قدامه والي كان لابس سروال قطني كحلي وتيشرت ابيض واسع وواضح انه توه صاحي من النوم وما كان اقل صدمه من الي قدامه
