معاك أنا أقوى

١١ - اختطافْ ؛

مساء الخير ..
اعتذر عن التأخير في التحديث
بس اتمنى اني اعوضكم بهالبارت الطويل
اسعدوني بالكومنتات + فوت
استمتعوا 🌷

.
.
.

يوم الخميس ..

رجع الشقه وعلى طول اخذ شور طويييل وطلع وهو يغني وفي مزاج عالي ..
سحب شنطته وتربع قدام الدولاب وقام يصف ملابسه الي سبق واقترحتهم عليه شهد
اتصل عليه سامي : هلا حبيبي كيفك ؟
رائد : هلا حياتي
سامي وهو يسوق سيارته : كيف وضعك ؟ جاهز ؟
رائد : قاعد اجهز ملابسي
سامي : انا توني مرجع العيال البيت بغديهم واتطمن عليهم وبعدين بجيك ..

رائد : حبيبي جد جد خاطري يكونون معنا
سامي التفت ورا وشاف تيم لاهي بلعبته وفراس يطالع برا النافذه : هذي اول مره اطلع معك ابيها تكون خاصه فينا ، ان شاءالله نطلع مره ثانيه ويكونون معنا ..
رائد بدلع : اوكي
سامي : يالله حبيبي ريح شوي لين اجيك .. ماشي ؟
رائد : احبك
سامي ابتسم : احبك

سكر وانسدح عالأرض وحط الجوال على قلبه وغمض عيونه وارتسمت على وجهه ابتسامه عريضه ....

-فلاش باك-

بالسياره
سامي : بخطفك
رائد لف عليه وبتساؤل : تخطفني ؟! وين توديني ؟
سامي وهو يكشر ويقلد المتوحشين : راح اخطفك واسجنك ومحد راح يطولك
ضحك رائد من قلب على شكل سامي : هههههه اوسم سجان ، طيب قول لي وين بتسجني ؟
سامي ابتسم ابتسامه عريضه واخذ يد رائد وباسها وهو يطالع قدام وبصوت شاعري : بسجنك وسط ضلوعي للأبد
رائد سكت وضل يطالع فيه بعدين قرب وباس خده مره ومرتين : اسجني وخلني بداخلك .. لا تطلعني
سامي : ههههههه لا توصي حريص
رائد بسعاده غامره : الله لا يحرمني منك
سامي : امين ... ابعد لا اسوي حادث وابتلي بخلق الله
رائد سحب يده وبعد عنه بدلع : انسى تبتلي بغيري
سامي رفع حاجبه : اشوف غيرتك شابه هالفتره !
رائد تذكر نورا وعض شفته ولف يطالع برا الدريشه وهمس : كيفي حلالي واغير عليك ..

ساد الصمت بينهم
وبعد فتره رد سامي عليه بصوت هاديء ودافي : حلالك يابن الناس ويحرم علي غيرك
كان قلبه يدق من هالكلام وظل ساكت لين رجعوا للحي ووصلوا قدام الشقق
التفت سامي وبجديه : ترا صدق بخطفك
رائد ببساطه : اخطفني ..
سامي : ما تبي تعرف وين ؟
رائد ابتسم وبانت اسنانه وهز راسه بلا
سامي : اوكي يوم الخميس خلك جاهز العصر بمرك وجيب لك ملابس 
رائد بثقه : اوكي
سامي : هههههه يعني ما راح تسأل وين باخذك .. طيب طيب !
رائد مسك يده وشبك اصابعهم وبحب همس : دامي بكون معك ما تهمني تفاصيل المكان .. ابي اكون معاك وبس
تلفت حوله وقرب وباسه بخجل ونزل من السياره وركض لشقته
سامي الي ذاب من حركات رائد ودلعه حط راسه على مقبض السياره وانرسمت على شفته ابتسامه صادقه : الله يعين قلبي عليك