انا عن نفسي احس بإحباط ، وبديت اتضايق من عدة اشياء طبعا ً شفتوا التنبيه حق الوات بخصوص الباراتات البرايفت ، بصراحه مدري شالحكمه من اننا نلغي النشر ونرجع نحطها عامه ؟؟
شيء ينرفز صراحه واعتبره نقطه سلبيه في تاريخ الوات ، ماني مقتنعه اني اخليها عامه لحد الان فما ادري وش اسوي احذف والا اعيد أرشفة البارتات او اخفي الروايات تماماً لين اخذ قرار اخير ؟!
عموماً حبيت انبهكم عشان ما تستغربون لو اختفت البارتات خلال الفتره الجايه ولو عندكم اقتراحات او اراء بحط فقره بنهاية البارت اكتبوا لي فيها ..
بارت جديد نستكمل فيه الفصل الأخير من الروايه باقي شخصيات ما اخذت حقها لذلك ببدأ اركز عليهم قبل ما انهيها
استمتعوا 🌷
••••
تيم وهو يمسك قميص رائد : استاذي ! طلع رائد من شروده وابعد عينه عن مبارك وامه الي نظراتهم له كان فيها الف كلام مسح يده المعرقه بملابسه ونطق بتشتت : اا .. اسف .. ل لحظه سامي الي فهم ان هذولي أهله وقف ومسك عضد رائد ولفه له بهدوء وتكلم بصوت خفيف : رائد انا بطلع توسعت عيونه ومسكه بخوف : لا وين ب بتروح؟! رفع سامي عينه لمبارك الي كان يطالع فيه وعلى طول بعدها عنه وكمل : ما راح ابعد بس بطلع برا عشان تاخذ راحتك معهم بلع رائد ريقه : ب بس .. سامي : بدون بس .. بخليك مع اهلك واذا احتجتني بكون تحت سكت رائد يطالع فيه بشك وبداخله وده انه يروح معه او تنشق الارض وتبلعه احسن من انه يكون بلحاله بهالموقف حط سامي عينه بعين رائد ونطق : رائد متأاكد انك تقدر تتخطى الموضوع بدون ما اتدخل مسح رائد على شعره ونفخ خده بقوه يطلق الهواء الي بصدره وهز راسه بموافقه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ابتعد عنه ومسك يد تيم وسحبه معه بهدوء ومشى جهة الباب وتأكد ان عينه تجي بعين مبارك الي كان يراقبه بهدوء من يوم ما دخل ونطق : حياكم ما رد مبارك وظل يتأمله بسرحان لين طلع ، بعد ما سمع تسكيرة الباب تنحنح ورجع عينه جهة رائد ونطق ببطء : ما كنا ندري ان عندك ضيوف والا كان جيناك بوقت ثاني حرك رائد يده بعشؤائيه وتقدم خطوه وهو يتحاشى انه يطالع فيهم : ل لا عادي ، المكان م مكانكم بس توترت شوي ! سكتوا كلهم وظلوا يطالعون بعض لين اشر مبارك على أمه بعينه ونطق : طيب مافيه سلام يعني ؟ رائد الي فهم عليه تحرك بسرعه : ا الا ! تقدم بتردد وباس راسها ورفع يدها وباسها ونطق وهو يتحاشى عينها : تفضلوا
