صباح الخير وكل عام وانتم بخير بارت اخير واحداث جديده استمتعوا 🌷
•••••
بعد يوم فيصل بمكتبه الخاص
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لؤي : ايش العقوبه بالضبط ؟ فيصل : ما راح تكون عقوبه وحده ، لأنك تتهمه بعدة تهم ابتزاز وجلسات مشبوهه بالإضافه للقذف لؤي : طيب الأساس هو الابتزاز وبعده تجي الأشياء الثانيه فيصل : عقوبة الابتزاز تغيرت وفيه نظام يدينها بشكل كبير فلو جبت لي اثباتات ما راح تكون عقوبته اقل من سنه وفوقها غرامه كشر لؤي : بس سنه ؟! فيصل : هذي العقوبه العامه بس لكن لو فيه اشياء ثانيه اكيد راح تزيد تتدبل همهم لؤي : اممم طيب احنا ما ندري اذا عنده شيء ملموس يبتز فيه او لا ، ففي حالة لو قلنا ان عنده شيء يدين الشخص الثاني هل تسقط عنه التهمه ؟ فيصل وهو يشرح بيده : شوف حتى لو كانت الضحيه مذنبه عقوبة الابتزاز راح تطبق عليه ماله علاقه بصحة المعلومات او لا ، اما الضحيه لو كان مذنب فينفتح له ملف تحقيق منفصل لؤي : اهااا اجل لازم اتأكد ان ما عنده شيء بالأول فيصل : طبعاً اذا يهمك الشخص الثاني لؤي وهو يفكر يعطي المهمه لبدر : مو مشكله اقدر ادبرها
فيصل وهو يأشر عالأظرف الي عالمكتب : طيب في حال عندك ادله غير هذي جيبها لي عشان اتأكد من معلوماتي وادرس القضيه لؤي وعينه عالملف الي فيه برنت المسجات الي من نورا : اوكي بس ترا هذي سالفه ثانيه ، نفس الشيء تهديد واعترفت البنت وتفاهمنا معها ، لكن نبي اثبات يدينها في حال لو بدر منها اي تصرف ثاني فيصل : بسيطه ورقة عدم تعرض بس لازم توقيعها لؤي : حلو فيصل وهو يفتح ظرف الصور : وهذي صور جابر؟ لؤي بتأكيد : هالله هالله قلب فيصل بالصور ولمح جمعان بوحده من الصور وعقد حواجبه وطالع فيه بدون ما يبي شيء : اصحابه لهم دخل بالقضيه الي تبون ترفعونها؟ لؤي : شلون يعني فيصل : اقصد يهمكم انهم يتحاسبون معه ؟ لؤي : لا مالهم دخل بس من حظهم انهم كانوا معه وكذا والا كذا ترا ما تفرق لو تحاسبوا لأن كلهم متلبسين فيصل : لا تفرق ، كذا راح تتوسع القضيه وراح تكثر دائرة المتهمين وبتزيد عدد الجلسات
لؤي وهو يفرك وجهه بانزعاج : فيصل سو الي تشوفه انا لو عندي خبره بهذي الأمور كان ما جيت عندك قفل فيصل الظرف وطالع فيه : انت ما تقول لي شعندك مهتم بهالسوالف؟ مين الي مكلفك فيها ؟ لؤي : تعرف شغلي سري مع الشخصيات الهامه ، ما اقدر اقول مين والا راسي يروح ورا الشمس فيصل بتحذير : خلك سيده وما راح يروح راسك لؤي بابتسامه واسعه : تدري اني احب الاكشن وكل شيء يتعلق بشغلات الالغاز وفك الشفرات فيصل : تعلمني فيك؟ من يوم يومك وانت تحب هالسوالف ، نسيت كيف كنت تبثرنا بالمحقق كونان يوم كنا صغار؟ ابتسم لؤي : ههههه تذكر ؟ كنت البس نظارة ابوي الي كبر وجهي عشان اقلده فيصل بضحكه : هي جات عالنظاره؟ والكرفته الي مطلعتك كنك مصطفى الدافور ؟ قلب لؤي عيونه : بالعكس كنت وش زيني صراحه كل البزارين كانوا يخقون علي بس انت الي ما كان يعجبك العجب! فيصل بابتسامه خفيفه : هههه انا اترفع عن هالأمور لؤي وهو يرفع حاجب : مسوي طالع منها يالعاقل ؟ تذكر هذاك الولد ؟ فيصل : ما تنسى انت ؟
