معاك أنا أقوى

٣٢ - جوىْ ؛

سلام
اشتقت لكم وادري اشتقتوا لي <-ام الثقه
هذا بارت طويل لعيونكم ..
لا اوصيكم فجروا الكومنتات ولا تنسون الفوت !

واستمتعوا 🌷

.
.
.

بعد الأحداث الأخيره ..

سامي مر يومين وهو يحاول يتصل على رائد وجواله مغلق اما شهد فما كانت ترد عليه ، توقع انهم اخذوا منه موقف من اخر محادثه لذلك ما شك بشيء واكتفى انه يحاول وبالأخير ارسل مسج لشهد محتواه
"الندم والتجاهل ابداً مو حل للي احنا فيه ، خليه يفتح جواله ابي اكلمه"
خالد : وش فيك ؟
رفع راسه بسرعه : ما فيني شيء قل لي انت كيف امورك ووش مسوي ؟
خالد وهو يتأمل ملامحه المتعبه : الحمدلله اموري طيبه ولا تضيع السالفه ، قول ايش مضايقك
ارتشف من قهوته ورد : ومن قال اني متضايق ؟
خالد : ما يبي لها قول وانت من جلست وعينك على جوالك وفوق هذا لو بحسب عدد المرات الي تنهدت فيها من جلسنا بتطلع ثلاثه وعشرين تنهيده
تنهد سامي ومسح على وجهه بتعب : ...
خالد : اربعه وعشرين
ابتسم على مضض : مابي اقول لك لأنك بتتنرفز وما تحب هالطاري خلقه
تجهم خالد : رائد ؟ وش سوى بعد غير انه يماطل بجيته؟
خزه سامي : هذا الي يخليني ما اقول لك ، لا تكلمني عنه بهالاسلوب
خالد : اسف ، قول اسمعك

ضغط باصبعه عالمنطقه بين عيونه وتمتم : قال لأهله عننا ..
فتح خالد فمه بصدمه وبانفعال : نعممممم؟!! خير ان شاءالله!! صاحي ذا!!!
تركى سامي بظهره عالكرسي : اللي سمعته وقصر صوتك !
خالد : يا حبيبي ايش الي اقصر صوتي؟ من جده هذا؟
سامي بتبرير ولو انه مش مقتنع ان الي سواه رائد صح : يقول يبي يثبت لي انه يحبني بطريقته بس للأسف ما ضبطت معه
خالد باستنكار شديد : ههههه اكيد ما راح تضبط معه ! أصلاً شلون يفكرا ذا ؟ هذا فعل واحد عاقل بالله ؟
مسح سامي على شعره وهو يحاول يحافط على اعصابه : عاد هذا الي صار ..
رمقه خالد بنظرة يتفحص ملامحه البارده وبعدها سأل بهدوء : طيب كمل وش صار واهله وش سووا ؟
سامي : طبيعي اي احد مكانهم ما راح يتقبل الموضوع ، واساس المشكله الحين ان أمه اخذت بطايقه الثبوتيه عشان ما يقدر يروح لأي مكان
رفع خالد حاجبه : زين جت على كذا توقعت انه اندبغ او انطرد عالقليل
سامي : ادري ..
خالد : اجل ليه منزعج هالكثر ؟
سامي : الي مزعجني انه بعد ما كلمني وقال لي الموضوع كنت معصب وسمعته كم كلمه ومن بعدها ما عاد صار يرد علي
خالد : كيفه لا يرد! المفروض بهالموقف  انت الي تزعل مو هو
زفر سامي لأن خالد قاعد يزيدها عليه بدال ما يهديه : والى متى اتركه على كيفه؟ مو وقت زعل ومكابر ضروري نشوف لنا حل لأن موعد الرحله قرب وان م...

توسعت عيون خالد وقاطعه بحده : اياني واياك سامي! لا تفكر انك تأجلها !
سامي : ما راح اروح الا رجلي على رجله او اسمعها منه .. يقول لي روح بالسلامه ووقتها اروح
خالد بعصبيه : سامي بذمتك ترا مو سالفه هذي كل شوي طالع لك بشغله وانت معطيه وجه! فتح عينك ولا تصير متساهل معه بزياده!
سامي لا شعورياً رص بيده عالكوب : عذرت له كثير وهو متعمد شلون ما اعذره هالمره وهي غصب عليه ..
خالد بقهر : اوكي اجل موعد الرحله وانتظره ، تظن انه لو رد عليك بيجي معك ؟ صدقني سالفته طويله وراح يطلع لك بسلسلة اعذار جديده! ووقتها وش بتسوي بتظل تأجل لين يروح موعد العمليه؟!!
سامي وصل حده من اسلوب خالد وعلى صوته : من قال لك اني متساهل ؟ ما بقى كلمه ما سمعته اياها لكن ارجع واقول مابي اتسرع ، ابي اسمع منه اول مو اخذه بشراع ومجذاف مثل حضرتك ما تقول!