معاك أنا أقوى

٣٦ - مُزاء ؛

سلام
كيفكم ان شاءالله تمام

سوري الواتباد معلق عندي مدري وش مشكلته ، الكتابه تطلع بشكل بطيء ومو قادره اسوي ريفيو للبارتات عشان كذا تأخرت الي عنده حل يكلمني دايركت ولو فيه اخطاء املائيه تجاوزوها لأني ما قدرت ادقق زين

ما راح احط شرط لأن التحديث الجاي راح يكون لرسيس فخذوا راحتكم

استمتعوا 🌷

••••

مصابٌ بك في قلبي ، وكأنك لم تحزنه يوماً

.
.
.

كان حاط راسه على كتف سند وهو باقي ضامه ، بداخله احساس الي توه طالع من معركه انهكته جسدياً ونفسياً بسبب جدالهم الطويل
اما سند كان في حالة اشبه باللا وعي يحس انه خفيف بعد ما طلع كل اللي بقلبه لكن ماهو مستوعب انه ضعف وعصب وتقبل الموضع بهالسرعه ، كيف انه سمح له يضمه ويبوسه وحتى انه ما زال سامح له انه يظل بحضنه لهذي اللحظه

همس فيصل : أحبك
نزل عينه يطالع فيه .. لحظات .. ثواني .. دقيقه وبالكاد قدر يرفع يدينه لظهره عشان يبعد يدينه ونطق وهو يطالع بعيد : ط طيب ، ابعد جبت لي الضيقه
ضحك فيصل بتعب : ههههه لا عاد مو لهالدرجه حبي يغث
حس بقشعريره لما حس بأنفاسه قريب من كتفه ورقبته ، شد بيدينه على يد فيصل الي تحاوطه وابعدها عنه ببطء ونطق : اقدر امشي والا باقي شيء تبي تقوله ؟

مسك فيصل كفوفه ورفع راسه لين صارت شفته قريب من انف سند بسبب فرق الطول وباسه بخفه وهمس : لا يجي في بالك ان حبي لك نقص لأن مظهرك تغير ، بالعكس اعشقك اكثر من اي وقت مضى
سند ما رد بس عينه ظلت تتفحص وجه فيصل تدور الحقيقه بكلماته وتعابيره وبعدها زم شفايفه ونقل نظراته لمكان ثاني واهتزت تفاحة ادم دليل على احراجه ، وابتسم فيصل بنشوه لأنه التمس التجاوب الي يبيه

ابتعد عنه لما شاف واحد يمشي ويناظرهم نظرات ملقوفه وتنحنح : اوكي باقي كلام كثير بداخلي ابي اقوله لك بس ما ينفع هنا ، اهم شيء بالنسبه لي الحين اننا تفاهمنا والباقي يتأجل بعدين
سند ما صدق خبر ولف : اوكي ، اجل انا بمشي
لحقه فيصل بسرعه : لحظه لحظه طيب ، بمشي معاك !
غمض سند عينه واخذ نفس ورجع فتحها ورد بنفخه : ماله داعي ولا تنشب عاد !
فيصل طنش اسلوبه ومشى معه بهدوء : وش انشب؟ سيارتي بنفس طريقك ، وبعد ابي اكلم خويك الي وصلك شوي ، بدر صح ؟
عقد سند حواجبه ووقف : ايه بدر وش تبي فيه ؟
فيصل : ودي اعزمه
سند : ليه شالمناسبه ؟
ابتسم فيصل : لأنه جابك لي
عض سند شفته ورجع يمشى بصمت وهو سافه فيصل لأن ما عجبه الوضع ، لحقه فيصل وهو مبتسم لين شافه يوقف عند البايك ووقف بعيد وطلع جواله يرسل للؤي يقرب السياره