معاك أنا أقوى

٩ - بداية أخرى

مراحب ..
كيفكم ؟ ان شاءالله تمام ...

وحشتوني وادري فيه عتب كبييييير علي ولكن للظروف أحكام .. اعيد وأكرر حسابي بتويتر مفتوح لكل من عنده استفسارات 

هيَ خطوات تمضي باستحياء
ولكنها حتماً تسير بنا نحو النهايه .. نهاية البدايه

استمتعوا 🌷

.
.

كل الطرق تؤدي إليك
حتى تلك التي سلكتها لنسيانك

،

بعد اسبوعين من الأحداث الأخيره

رائد كان مسندح فوق سريره ويتقلب كل دقيقه على جنب ، بعد دقايق صار جالس عالأرض ويرسم باصابعه على فخذه وهو يفكر ، بعد دقايق اكثر صار واقف عند الدريشه يطالع برا وهو سرحان ...

*فلاش باك*

بالدور الأرضي تقدم فراس وهو يسأل الي قدامه : استاذ ليش انت هنا ؟ فيك شيء ؟
نطق رائد ووجهه منصفق : اليوم كلمت ميمي وقال لي .. قال ان الدكتور جاء يشوف بابا لأنه تعبان مرره وقلت اجي اتطمن

فراس عفس وجهه وقال : اووه هذا اكيد تيم الملقوف ما يعرف يمسك لسانه !
رائد تقدم خطوه : يعني صدق الدكتور جاء ؟
فراس نفخ خده : ايه صح بس انا قلت لتيم ما يعلمك

ضغط رائد على شفته وسأل بقلق : ليه ما تبيه يعلمني ؟
فراس نظراته قامت تروح وتجي وهو يقول : اولاً لأن الدكتور قال لا تخافون بس يحتاج راحه بالفراش وبيكون طيب ان شاءالله ، وثانياً لأن انا ما كنت ابغاك تشغل بالك خاصه انك انت وبابا ... اقصد يعني خلاص مافيه بينكم شيء

رائد عبس بس قبل ما يبدي اي ردة فعل حس بيدين تحاوط فيه من ورى مزامنه مع صوت تيم الي تعلق بظهره وقال بضحكه : هييييه كنت عارف انك بتجي هههههه
رائد التفت عليه وهو يزفر بروعه : بسم الله فجعتني ميمي !

فراس رمق تيم بنظره ونطق : سويتها والله
رد تيم وهو يبتسم ابتسامة انتصار : هاهاها طبعا ! شفت انه ما يقدر على اسلوبي ؟!
قرص رائد اذن تيم وقال وهو يبعده عنه : وقدامي تعترف انك قاصد هالحركه ؟

تيم تأوه : اووتش لحظه !!
رائد بنبره جاده : تيم ترا مرره عيب الي سويته ويعتبر كذب
قلب تيم عيونه وقال : ليش عيب ؟ بابا صدق تعبان وانت لازم تجي تشوفه لأنك تحبه

رائد تغيرت ملامحه وصرخ بانفعال : تيم !!!
تيم فز من قلب ونطق ببطء : طيب طيب اااآسف !
فراس حس بالتوتر الي صار بالجو ونطق بسرعه : استاذ هو يقصد ان ..