كان رائد منسدح بسريره وحاط المخده فوق راسه شهد وهي جالسه على طرف السرير : طيب قوم اجلس معنا شوي رائد : بعدين شهد : متى بعدين ؟ رائد : ... تنهدت شهد : رؤود قوم الله يعافيك أمي ومبارك ذبحوني بالأسئله رائد وهو يدفن نفسه تحت المخده اكثر : قولي ما اعرف شي وريحي بالك شهد : المشكله انهم عارفين ان فيه شيء ومتأكدين اني ادري رائد : انكري تأففت شهد وسحبت المخده من فوقه : طيب قول لي الى متى بتظل كذا ؟ جلس رائد وشعره محيوس وكان وجهه باين عليه النحف والارهاق : ايش تبغيني اسوي ؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مسك شهد يده : حبيبي مو انت قررت تسوي كذا عشان تحمي الناس الي تحبهم ، وانت مقتنع بهالشي ؟ رائد : أكيد مقتنع باللي سويته شهد : طيب ليه قاعد تعاقب نفسك ؟ فهمني ليه تلوم نفسك ! عض رائد شفته ودمعت عيونه : لأنه ما يدري .. لأنه يفكر اني بعته .. كل ما اتذكر اني جرحته احس قلبي ينزف ، كيرت ذاك الشخص القوي يا شهد ومجرد تفكيري بهالشيء يذبحني الف مره .. شهد : أحياناً نضطر نسوي أشياء عشان نحمي غيرنا على حساب نفسنا .. انت ضحيت بسعادتك عشان سعادته وسعادتنا بس صدقني لو عرف ما راح يلومك نزلت دمعة رائد ومسحها بسرعه وهو يهز راسه : لا مالازم يدري ، كذا احسن لنا الاثنين شهد : طيب ليه م...
انفتح الباب وطل مبارك براسه وجت عينه على رائد : شفيها البرنسس ديانا تبكي ؟ خزته شهد : مين الي يبكي ؟ يتهيأ لك كنا نضحك ودمعت عينه صح رائد ؟ هز رائد راسه ومسح خده دف مبارك الباب على مصراعه وتكتف : تضحكون بلحالكم ومخليني برا زي المزهريه انا وأمي الي ما بقت مكان بفخذي ما علمت عليه عشان اقوم اشوف وش مخبين عنها ؟! ضحكت شهد : ورني فخذك رفع مبارك ثوبه وسرواله الداخلي : هاه عاجبك شلون شوهت جسمي الحلو ؟ شهد : اي حلو بالله؟ ما اشوف الا مزرعة شعر التفت مبارك على رائد : غيرانه من سيقاني ، شفيك تضحك انت الثاني ؟
