معاك أنا أقوى

٢ - خيبة أمل

هلا كيفكم ؟

ها بشروا تقبلتوا الكوبل والا باقي ؟ :")

بصراحه حبيت تفاعلكم بالبارت السابق رغم اختلاف تقبلكم للثنائي وردات فعلكم المتذبذبه ، اتمنى الاقي نفس التفاعل بهالبارت وأكثر 

استمتعوا 🌷

؛

بعد عدة سنوات
قدام بيت جمعان

طق الباب اكثر من مره لين سمع حس وبعد فتره انفتح الباب وبان وراه سند الي كان عمره وقتها ٥ سنوات ولابس ثوب ازراره مفتوحه
نزل جابر عينه ونطق : هلا بابا سند شخبارك
تخبى سند ورا الباب ورد بطلاقه : طيب ، تبغى ابوي ؟
جابر : ايه وينه ؟ صاحي والا نايم ؟

سند : صاحي اروح اناديه ؟
جابر بسرعه : انا  بدخل شوف لي درب
سند وهو يسد الباب : اصبر بخلي امي تتغطى اول
ابتسم جابر وتنهد : طيب ..
انسمع صوت جمعان الي طلع من البيت وجاء عندهم : سند شتسوي عندك ؟

التفت سند : افتح الباب لعمي جبير
كمل جمعان مشي لين وصل عنده وضرب راسه خفيف : اسمه عمك جابر يالفاهي
رفع سند عينه : وليه انت تقول له جبير طيب ؟
شاله جمعان وباس خده : لأنه خويي واناديه على كيفي

حس جابر بشعور ياكله من الداخل وهو يشوف علاقته مع ولده وتقدم : ليش ما ترد على جوالك دامك صاحي ؟
طالع جمعان فيه ببرود ونطق : ما كنت فاضي وش تبي ؟
مسح جابر على يد جمعان وبنبره لطيفه : ابي اكلمك ضروري
ما رد جمعان وتجاهله : ..

طالع سند بجابر وعقد حواجبه : ليه دخلت باقي ما سمحنا لك تدخل !
ضحك جمعان : سنايدي والله اللي يعرف لسلوم الرجال
جابر انقهر ورد : جمعان ماله داعي هالحركات ، تبي تسمع مني والا امشي ؟
نزل جمعان سند عالأرض : سند روح قول لأمك تجهز القهوه
سند : ان شاءالله

مشى سند داخل والتفت جمعان لجابر : شتبي ؟
جابر اهتزت تفاحة ادم وتغيرت نبرة صوته : لا تعاملني كذا
صد جمعان بنظراته وتنهد : ادخل وخل نشوف اخرتها معك
دخل جابر وجلسوا بالمجلس الأرضي وجاب جمعان القهوه وصب ومدها لجابر : قول شعندك ؟

اخذ جابر فنجانه وحطه قدامه بدون ما يشرب : جمعان انا من الآخر شاريك ومستعد امشي معك للأخير بس بالمعقول
جمعان وهو يتربع : ايه ووش الشيء المعقول ؟
جابر : الي بينا مو شيء سهل زي ما انت متصوره خاصه بوضع مثل وضعي

قاطعه جمعان : لحظه قبل لا تكمل .. ابي افهم انت جاي تحاول تقنعني اتراجع عن كلامي الي قلته لك قبل ؟
جابر ضغط على شفته وسكت : ...
جمعان بضحكه خفيفه تعبر عن سخطه : اها اوكي كمل ابي اشوف اخرتها
جابر بقهر : جمعان انت قاعد تضغط علي ..