معاك أنا أقوى

١٥ - شفَق ؛

مساءكم ورد وسعاده .. 🌦🌻
اشكركم على تفاعلكم المستمر حبايبي لا خلا ولا عدم
بارت جديد وطويل فيه احداث جديده اتمنى تعجبكم ..
نبذه مختصره عن البارت : فوكس على بعض الكاركترز + دخول شخصيات جديده + انعكاس في مجرى الروايه
اتوقع منكم --> فوت + كومنت اكثر بين الفقرات
استمتعوا 🌷

نورا دخلت الغرفه وهي تتمخطر : اهااا يعني ما عندكم دروس اضافيه ولا شي ، صح ؟
تيم ببراءة : لاااا اجااازه يعني بنقعد كثثثير ومافيه مدرسه !
نورا لفت لرائد وتخصرت : ما دام كذا اجل انت ايش حاجتك هنا ؟

انصدم رائد وانمسحت الابتسامه من وجهه ووقف مقابلها وتلاقت عيونهم بنظرات تعلن البداية لمواجهه طاحنه ..

.
.
.

رائد الي كان يراقب تصرفاتها ونظراتها من اول ما دخلت حلل في راسه شخصيتها وحس بكمية احتقارها له وقف يرد عليها وحاول يكون هادي قدر الإمكان : انا بس جيت عشان اتطمن عالعيال و..
نورا طالعت فيه وبنفس شينه : مشكور بس ماله داعي تتعب نفسك مره ثانيه
رائد تضايق من اسلوبها وما حب يطولها معها عشان ما يتمشكل معها لذلك لف لفراس واستأذن : اوكي فراس انا بروح الحين واشوفكم وقت ثاني ..
مشى تيم ناحيته بسرعه وتمسك ببنطلونه : لا استاذي وقفف توك جاي!!
نورا : تيم! خل الاستاذ يروح انا بقعد معكم
تيم : عادي حتى هو يقعد!
فراس وهو متضايق : استاذ اجلس انت وعدتنا تسهر معنا!
نورا : فراس خل الاستاذ يمشي!
فراس الي كان منقهر من اول من اسلوبها رد عليها بجراءه : خاله نورا رجاءاً احنا نبغى الاستاذ يظل معنا واحنا الي متصلين عليه

نورا تفاجأت انه رد عليها وانفعلت : على كيفك هو ؟ ما ينفع تدخل رجال غريب للبيت يا فراس !
رائد قبض على يده استفزته كثير ويبي يطلع بسرعه قبل لا ينفجر ، نزل لمستوى فراس ومسك يده الي كانت ترجف : خلاص فراس حبيبي انا احسن امشي الان واكلمكم وقت ثاني ، طيب يا عمري ؟
نورا وهي تتصنع الهدوء : عفواً بس اعتقد الناس اجازه والمدارس مغلقه وماله داعي هالزيارات ، صح ؟
رائد اعتدل ورد عليها ببرود : انا علاقتي بتيم وفراس اكبر من علاقة طالب ومشرف وشي طبيعي لما اتواصل معهم واتطمن عليهم ..

نورا رمت طرحتها عالكنب وبنفس الاسلوب المستفز : ههههه طيب مشكور على لطفك بس انا خالتهم واقول لك ما ابي هالزيارات
فراس : خاله!!
نورا بتهديد : فراس لا اسمع حسك ، وانت كم مره بعيدها ؟ وجودك ماله لزمه اطلع ..
مشى رائد خطوه وهو ناوي يكسحها بس تفاجأ لما سبقه فراس ووقف قدامها ورد : لا ما راح يطلع
نورا انصدمت وحطت يدها على خد فراس : عيب يا شاطر لما الكبار يتكلمون الاطفال يسكتون
فراس بعد يدها وكرر كلمته : ماني طفل واستاذ رائد ما راح يطلع !
نورا توسعت عينها : خير ؟ ابعد يا فراس لا تخليني امد يدي عليك
رائد مشى بسرعه وسحب فراس من قدامها : ما اسمح لك تمدين يدك عليهم واصلاً انتي كيف تكلمينهم كذا ؟
نورا ارتفع صوتها : ما تسمح لي ؟ ههههه انا خالتهم واكلمهم مثل ما ابي .. انت الي من تكون ؟