معاك أنا أقوى

٢ - عناق قلب

مرحباً ..
اعتذر عالتأخير الغير مقصود ، وشكراً على انتظاركم ..
استمتعوا ..

؛

- يدك السلام وقلبي هو الحرب ، لذا ضع يدك
على قلبي حتى نصنع حربنا بسلام ..

مرت الأيام والأيام صارت اسابيع وعلاقة سند وفيصل فوقها علامات استفهام .. سند يشد من جهه وفيصل يرخي من الجهه الثانيه وبكل يوم يمر كانت الأفكار تملى راس سند الي بدأ يقدر الأمور ويحلل المواقف بطريقته الخاصه ..

انتهى السباق ونزل سند من فوق البايك وتجمعوا حوله الشباب يباركون له بمناسبة فوزه ، سمع صوت يناديه والتفت وشاف تميم وسلطان واقفين مع بعض يطالعون فيه
تقدم تميم ونطق بتردد : مبروك سند
رفع سند حاجبه باستغراب وسكت يطالع فيهم : ..

تميم رص يده على يد سلطان الي كان جنبه واخذ نفس عنيق وبعدها نطق : حبينا ن نبارك لك لأنك تستاهل الفوز !
كشر سند وقرب اذنه باستهزاء : نعم ؟ ما سمعتك زين ممكن تعيد الكلام ؟

حط سلطان يده فوق كتف تميم وتقدم : سند بلا بجاحه ادري انك مستغرب هالشيء وحتى انا مو مستوعب هالشيء لكن دام تميم مصر مضطر اسوي كذا
ولع سند سيجارته ونطق : لحظه .. مصر على ايش ؟
سلطان : ييي يبدأ صفحه جديده معك واتمنى تعطيه فرصه
سند وهو يقصد متعب : صفحه جديده ؟ ليش وين طقعان عنك ؟ 

مسك سلطان يد تميم وشبك اصابعهم : مالنا شغل بأحد .. احنا الحين مع بعض وحابين تكون بدايتنا صلح وبعيد عن اي مشاكل
نزل سند عينه لأياديهم ونطق وهو يرتشف من سيجارته : اخيراً يعني طلعت من قوقعتك
ابتسم سلطان : يب !

سند التفت ونادى بدر : بدير تعال اسمع اخر المستجدات
تقدم بدر وهو يحرك الكرسي المتحرك بيده : ايش ؟
سند : شوف هالسملق صاروا مع بعض
بدر رفع عينه لسلطان وابتسم : اف سويتها اخيراً ؟ ما بغيت والله

نطق تميم : لحظه وش الي اخيراً يعني كلكم عندكم خبر بالموضوع وانا اخر مت يعلم؟
بدر بضحكه : مو بس احنا الي عندنا خبر يمدي الهنود الي بحارتكم فهموا وحسوا ان سلطان معجب فيك وانت ما تدري وين الله حاطك ..

حمرت اذاني تميم ونزل عينه بخجل : كلكم ملاعين مخليني على عماي
قلب سند عينه بسخريه وقرص خد تميم : معليش انت غبي صحصح شوي وخل المراكض ورى الكلاب
سحب سلطان تميم عالسريع ونطق : هيه حدك لا تلمسه ترى اغار!
سكت سند وطالع ببدر وفجأه ضحكوا بقوه ، بدر : ههههه صدق اللي عمره ما تبخر تبخر واحترق !