معاك أنا أقوى

٣٠ - لمـمْ ؛

مساء الخير جميعاً
بارت طويل لعيونكم ، اتمنى تعطونه حقه عشان ينزل البارت الي بعده بسرعه ...

لا تنسون الكومنت والفوت
استمتعوا 🌷

.
.

تكمله لأحداث البارت الماضي
فيلا سامي

سامي عالجوال مع الشخص الي اعتاد يكلمه بمهمات التحري : لا اللعب الوصخ هذا انا ما احبه ، قلت ابي معلومات عنه تروح تجيب لي صور لولده ؟!
الصوت بتبرير : بس ممكن نهدده فيه
سامي : تعلمني شغلي يا لؤي؟
الصوت باعتذار شديد : اسف طال عمرك
سامي وهو يمسج المنطقه بين حواجبه باصبعه : خله يحذف الصور وعطه فلوسه وخلاص خله يتوكل
الصوت : طال عمرك هو اكثر شخص راح يفيدنا بهالموضوع بخليه يحذف الصور بس لابد نكمل معاه اضمن لنا
تنهد سامي : طيب الي تشوفه اهم شيء استدرجه بطريقه ثانيه ابي اثبات واضح وقوي بخصوص الابتزاز ينمسك عليه هو شخصياً مابي خربطه فاهم؟
الصوت : فاهم
سامي : حاول تنهي الموضوع بأسرع وقت لأن وقتي محدود
الصوت : اوكي اللي تامر فيه
فصل سامي الخط وتنهد يحس مو على بعضه ومافيه حيل الصداع ذابحه ولاعب بحسبته خاصه بعد ما وقف الدخان

جاء تيم وهو لابس ملابس جديده وشايل جاك بين يده وبقلق : بابا ايش فيك انت تعبان؟
طلع سامي من شروده ورفع راسه : هاه .. ليه تقول كذا ؟
جلس جنبه ونزل جاك بالأرض : عشان شفتك تاكل دواء من شوي والحين تتوجع من راسك خلاص اذا تعبان مو لازم نروح اليوم
ابتسم سامي : لا حبيبي بس شوية صداع ويخف مع الدواء
تيم : طيب ..
مسح سامي على راسه : متحمس ابوي؟
هز تيم راسه بسرعه : ايوه اكثر شيء! بس متى يجي بابا رائد اشتقت له طوول كثيييير ترى~
سامي : ما بقى شيء يومين ثلاثه وتشوفه قدامك ان شاءالله ، الحين بعد ما نزور صاحب فراس بالمستشفى بنمر نشتري له الهديه عشان سلامة رجوعه
نط تيم بحماس : يسسس!
نزل فراس من فوق وعلى وجهه ابتسامه لطيفه : بابا انا جاهز
وقف سامي : يالله مشينا

بالسيارة كان منير يسوق وسامي جنبه والعيال ورا بطريقهم للمستشفى
فراس وهو يلعب باصابعه بتوتر : بابا
سامي : نعم
فراس : امممم بتنزل معانا ؟
سامي : لا بنتظركم بالسيارة بس وصلوا له سلامي
تطمن فراس لأنه أصلاً ما يبغى ابوه ينزل وفي باله انه احتمال يقابل سند ويتذكر سالفة الفلاش وتصير بينهم مشكله : طيب ممكن اشتري ورد لمنيف؟
سامي : اكيد بابا .. فيه محل ورد قريب هنا ، منير مر محل الورد
تيم : بابا انا بظل معك بالسيارة ما احب المستشفى
سامي : دام كذا اجل ننزل فراس ونروح نشتري انا وياك الهديه للاستاذ

بعد ما اشتروا باقة ورد ووصلوا لعند باب المستشفى نزل فراس ونزل منير معه عشان يوصله وتوجهوا لبوابة المسشتفى وشاءت الصدف انهم يلتقون بمهند الي كان توه واصل ويمشي ورا بدر وركض فراس وراه
نادى فراس : مهند!!
التفت مهند وابتسم لما شاف فراس ووقف : فررراس!
التفت فراس لمنير : خلاص منير ما يحتاج توصلني بروح مع مهند هو يدل الغرفه..
هز منير راسه ورجع للسياره وحرك اما بدر الي استوعب ان محد يمشي وراه التفت وشاف مهند واقف ويسولف مع فراس وناداه : هيي انت استعجل شوي!
التفت مهند بانزعاج : هففف طيب !
فراس باستغراب : هذا يقصدك انت ؟
مسك مهند يد فراس وسحبه معه : ايه تعال معي
فراس وهو يهمس بتوتر : مين هذا ؟
مهند وهو يهمس له : هذا صديق سند هو جابني هنا عشان اشوفه بس ما كنت ادري ان اهله بنفس المستشفى الي فيها منيف