معاك أنا أقوى

٢٩ - رُكام ؛

مساء الخير
الي ناسي الأحداث يقرأ البارت السابق قبل .

استمتعوا 🌷

••••••

* من يسعدك اليوم قد يكون وجعك الذي لا تنساه غداً !

.
.

الساعه ٢ الليل - شقة بدر

كان كلام فيصل المطبوع في باله مسبب له أرق وزود الزود انه بدأ يتأثر فيه بشكل ملحوظ وهالشيء بمثابة الصدمه والشيء المزعج جداً بالنسبه ، ظل يطالع السقف بشرود لين رجع جواله يدق ورد بدون ما يشوف المتصل وفي باله انه مهند مره ثانيه : انت ما نمت ؟
سمع صوت ضجه وبعد الجوال عن اذنه وطالع بالشاشه وشاف اسم منيف ، ورجع رد باستغراب : الو شعندك انت الثاني ؟!
ما جاه رد كان بس يسمع صوت ناس وازعاج وفجأه توسعت عيونه لما سمع صوت الاسعاف وفز بخوف : منيف!! الووو!!
جلس ينادي بتكرار وصحى بدر على صوته وصار يطالع فيه بقلق : شفيك ؟
وقف سند وهو حاط يده على شعره ويتكلم بحده : منيييف رد ! منيففففف!!
دقايق وسمع منيف يسعل وبعدين تكلم بانفاس متقطعه : الو الو!! س سند !!!
شد سند عالسماعه بعد ما طاح قلبه ورد بسرعه : ايه ش شفيك تكلم وش صاير ؟ !!
منيف ببكاء : سن سند بيتنا ق قاعد يحترق !
سند بانفعال : نعم؟!!!!
صرخ منيف : ت تعااااااال! البييت يحترق واخواني د داخل !
تجمد الدم في عروق سند ووقف الوقت فيه دقايق وصحى على صوت بدر الي صار يهزه
بدر وهو يشوف ملامح سند المنصدمه : سند!! سند شصاير؟
لف سند لبدر وهمس بصوت يرجف : ي يقول ب بيتنا احترق ..
توسعت عيون بدر : شتقول؟! واهلك؟

بسرعه سحب سند البلوفر حقه وطلع الشارع وهو يصارخ بالجوال : م مين داخل ؟ الو .. منييييف! وانت وينك ؟!!!
منيف وهو يدور حول نفسه ويصيح : ب بالشارع ! الجيران ط طلعوني وسالم مدري شفيه و واتصلوا عالمطافي ب بس ما بعد يوصلون يقولون يبي لهم ن نص ساعه .. س سند البيت كله دخان انا خايففف!
سند بدأ صوته يرجف وبفزع : س سالم و وش فيه ؟ عطني اكلمه!
منيف وهو يشاهق : ركبوه الجيران ب بسيارة الاسعاف م مدري ش شفيه ااااه
حس سند بخطورة الوضع وهو يفتش على مفتاح البايك بجيبه ومو لاقيه من الخوف : ط طيب ل لا تخاف انا جاي !
منيف بدأ ينقطع نفسه لأنه استنشق دخان : ت تكفى ت تعال ب بسرعه
سند وهو يمشي بالشارع بدون شعور ما يدري ايش يسوي : ط طيب الباقين وينهم ل ليه ما طلعوهم؟ !
منيف بتجزع : يقولون عداد الكهرب انفجر د داخل البيت!! ما قدروا يطلعونهم خخ خايف يكون صار فيهم شييييء !
سند ودموعه بدت تنزل لا ارادي : ل لا! م ما راح يصير شيء الحين يوصل الاطفاء و بيسيطرون عالوضع .. خ خلك بجنب سالم وانا الحين جاي ، تمام ؟
ما جاه صوت ورجع ينادي بخوف : الووو منيف؟!!
سمع صوت شخص يصرخ : تعال هنا الولد اغمى عليه لا حول ولا قوة الا بالله ..
نزل سند الجوال عن اذنه ودخل بصدمه وحس ان الدنيا بدت تدور فيه وهو واقف بنص الشارع وهمس : لا .. لا .. اكيد انا احلم ..
حس على حاله لما وقفت سيارة بدر جنبه وطالع فيه بضياع
بدر بانفعال : لا تطالعني كذا اركب بسرعه!
ركب سند على الفور ومشى بدر باقصى سرعه متجه لبيت جمعان