معاك أنا أقوى

٤٨ - يقيـنْ ؛

مرحباً ..

اخيراً شارفت الروايه على نهايتها ، ما تدرون قد ايش هو صعب هالشيء .. اتوقع حتى انتوا مثلي تعلقتوا بالشخصيات وصعب تودعونهم *تنهيده*

اترككم مع الجزء الأول من البارت
اما الجزء الثاني فراح ينزل حسب تفاعلكم

انجوي ولا تنسون الفوت + التعليقات ابيها بين الفقرات
استمتعوا 🌷

••••

شقة رائد

بينما كان سامي بغرفة العمليات بدون علم من اي احد لأن الكل كان  متهيأ انها تكون بالليل .. كانوا شهد ومبارك جالسين بالصاله ومتوترين

مبارك : تتوقعين بتنجح ؟
شهد : ايه ان شاءالله لا تتفاول عالرجال بس
حط مبارك يدينه على ركبته وميل جسمه لقدام : ما تفاولت بس متخوف صراحه ومن امس وانا بفكر وش بيصير لو لاسمح الله صار له شيء .. يعني رائد وش مصيره .. وعياله وش بيسوي فيهم ؟
تنهدت شهد : لا تفكر كثير
انفعل مبارك بس قصر صوته عشان ما يسمعونه تيم وفراس : شلون ما افكر ؟! اخوي طلع منها المره الأولى بس المره الثانيه بيتدمر أكيد
شهد : شقصدك ؟
مبارك : اقصد المره الأولى سامي كان موصي عليه مع كل جهه وقدرنا نلم الموضوع بس هالمره غير لو صار فيه شيء الحكومه بتوقف لنا واكيد بيطلعون لنا اهله وبتصير سالفه لا صارت ولا استوت ومافيه احد بيدافع عنه وقتها
توترت شهد لأن كلام مبارك واقعي ويخوف وردت : اترك عنك هالتشائم ما يصير الا الخير
مبارك : مو تشاؤوم بس انا اخوه الوحيدولازم احميه لأنه ما يعرف يحمي نفسه

شهد : صح اخوه بس هو اعلم بمصلحته ولا تنسى انك اخوه الصغير
مبارك وهو يفرك شنبه : هيه وش صغير احترمي هالشوارب عالقليل !
شهد : طيب يابو شوارب دامك خايف عليه قوم روح عنده
طالع مبارك بساعته ورد : تو الناس بدري
شهد : لا مش بدري ما بقى شيء وتبدأ
مبارك بتصريف : طيب روحي انتي وانا اقعد عند الأطفال حررام لازم اعتني فيهم من لهم بعدي
خزته شهد : حركات النص كم ذي ما تنفع معي روح وانا بقعد عندهم
مبارك : اففف بصراحه مالي خلق دراما رائد ولا اعرف اواسي زين الناس
شهد : انت قفل فمك بس وهو بيكون بخير
مبارك حط يده على فمه وكأنه يخيطه : قفلناه
شهد : يكون احسن .. لحظه ايش هذا ؟
مبارك بتساؤل : ايش ؟
شهد : الي بيدك
عقد مبارك جبينه وطالع بيده : شفيها يدي ؟

مسكت شهد يده واشرت عالخاتم الي باصبعه وهي ترفع حاجبها : اقصد هذا ؟!
مبارك تذكر انه لابس خاتم ثابت ونطق بابتسامه غبيه : اووه هذا ..
شهد بقل صبر : ايه هذا لا تستلكع وقول لي وش سالفته
نفخ مبارك صدره بغرور : وش تشوفين انتي يعني؟ خاتم بعد ايش ؟
ضربته شهد على راسه : ادري خاتم يا ذكي بس من وين لك ؟ ومن متى تلبس خواتم انت ؟
مبارك : ليه ناقص رجل والا ساق عشان ما البس .. والا بس اخوك النعوم الي يلبس ؟
كفخته شهد على راسه : اقول تكلم بس زي الناس
مبارك : وجع لا تضربين هديه من خويي
شهد : خويك ؟ لا تكذب مافيه عيال يهدون خواتم لبعض الا لو ..
عقد مبارك حواجبه لما شافها سكتت ووقف بسرعه : هيه لا يروح بالك بعيد ويبدأ شغل التشبيك حقكم يالبنات ، قلت لك خويي وانتهى الموضوع يالله قومي جيبي نعالي خل اروح لرائد