معاك أنا أقوى

٣٤ - رتـقْ ؛

صباح الخير ..
كيفكم ؟

هالبارت كان المفروض ينزل قبل يومين لكن تأجل لعدة اسباب ، كتعويض خليته اطول من المعتاد ..
راح يتم التحديث بعد اكتمال الشرط باسبوع ..

٥٥٠ كومنت + ٣٠٠ فوت

استمتعوا 🌷

.
.

فقط من القلب يمكنك لمس السماء ..

.
.

مر اسبوع وام رائد من ذاك اليوم وهي عازله نفسها بغرفتها وما تفارق سجادتها ، متحسفه على الي سوته فيه وماكلها قلبها عليه لكن في قرارة نفسها شايفه ان هذا هو الصح
طل ممبارك عليها وصوت : يمه ..
الأم وهي تطالع بالارض وما تبي ترد : استغفر الله واتوب اليه
دخل وعلى صوته : يمه!
رفعت حاجبها وردت : نعم
مبارك وهو يقلب بسبحته : بنروح نطلع رائد ..
نزلت راسها بدون ما ترد
تنهد مبارك ومشى جلس عالسرير قبالها : ما ودك تجين معنا ؟
الأم : لا ..
هز مبارك راسه : براحتك بس ترا حبيت اقول لك عشان لو ودك تشوفينه قبل لا يروح شقته
ضوقت الأم عيونها وطالعت فيه : وين يروح ؟
مبارك : ما راح يجي هنا ، بيطلع شقه بلحاله
بانت الأم الصدمه على وجهها وسكتت : ...
قرب مبارك وجلس عندها عالأرض وبمحاوله : يمه
لفت وجهها : روحوا الله يستر عليكم
مبارك : اسمعيني طيب !
الأم : بروك ترا الي فيني مكفيني
مسك يدها وباصرار : طيب اسمعيني للأخير ، رائد ولدك الحبيب الي عمره ما اذاك او رفض لك طلب صح ؟
الأم : مبارك روح في دربك
مبارك : طيب جاوبيني اول ! صح والا لا ؟
الأم بانفعال : صح وبعدين ؟
هز راسه وكمل : حلو ، ودايماً كنتي تفتخرين فيه عند الناس وتقولين انه مبيض وجهك عكسي انا الي دوم مفشلك وجايب لك الصمرقع ، صح ؟
تحجرت دموعها بعينه وهزت راسها بحزن : صح بس خلاص ما عاد هو ولدي رائد ، محى كل شيء حلو يذكرني فيه
مسك مبارك يدها وباسها : لا يا يمه حتى لو انه اخطأ يظل ولدك
الأم وهي تون بحرقه : يا مبارك رائد مو بس اخطأ ، رائد كسرني يا مبارك وشمت الناس فيني ، هذي اخرتها يجازيني كذا؟

مبارك : يمه .. يمه استهدي بالله
نزلت دموعها وهمست : رائد راح من بين يدي يا مبارك
باس يدها مره ثانيه : لا يا ام ريود لا تخليني ازعل عليك عاد ، لا تقولين كذا -نزل راسه وبحزن- يمه ترا رائد ما سوا شيء بإرادته وانتي تعرفين ان هالشيء فيه من يومه صغير ، حاول عشان يرضيك ويرضي ربه بس بالأخير ما قدر .. انا ما ابرر له لكن الانسان بطبعه ضعيف قدام رغبته فما بالك لو هالشيء انخلق فيه ! وشوفيه يوم حس بضعفه هرب وترك كل شيء وجاء عندك لأنه ماله احد بالدنيا غيرك ..

ما ردت الأم بس كانت دموعها تزيد وهي تسمع كلامه ، وكمل : حتى لما قرر انه يعيش حياته بالطريقه الي تريحه ما حب يجرحك وتسمعين الكلام من برا جاء لعندك وقال لك بوجهك ، انتي ما تدرين قد ايش صعبه بالنسبه للرجال انه يعترف بنقصه قدام الناس ورغم هذا جا لعندك وهو واثق انك اول شخص بيضمه بين احضانه ،
امه واحن الناس عليه مهما غلط تظلين ملجأه لا ضاقت الدنيا عليه ، يمه رائد يحتاجك تكونين بجنبه اكثر من اي وقت تكفين لا تحرمينه عطفك وحنيتك 
تأثرت الأم وضمت مبارك بين يدها : اااه على ولدي يا مبارك اااه
حب مبارك راسها : سلامتك من الاه يالغاليه ، يمه ترا احنا مالنا الا بعض لا تخلين الدنيا تفرقنا ، سامحيه وارضي عليه وادعي ان ربي يتوب عليه
الأم وهي تبكي : الله يشهد اني كل يوم ... ادعي له بصلاتي ، ااه يا بعد عمري يا رائد  انا الي تسببت فيه وانا الي استاهل 
مبارك : يمه محدد متسبب بالثاني هذي كتبة الله محد يقدر يعترض !
رفعت عينها : الله يشهد اني ما قصدت كلمه قلتها له بس والله من حرتي عليه !
ابتسم مبارك : اعرف قلبك طيب وعمره ما يزعل علينا
الأم : الله لا يحرمني يا يمه منكم ويعوضني ويبلغني فيك وازوجك البنت الي اختارها لك