معاك أنا أقوى

٧ - بداية أخرى

مرحباً
كيفكم ان شاءالله تمام ؟

نستمر بخطوه جديده في مسيرة الصراع بين رائد وسامي ، خطوه قريبة من الوصول لطريق العودة .. طريق الحب السرمدي 🤍

شكراً على دعمكم وانتظاركم المستمر
استمتعوا 🌷

.
.

اصعب أنواع المقاومه هي مقاومة النفس
عندما يريد قلبك شيئاً ويمنعه عقلك ، عندما تشعر بالضعف ولكنك تمضي لتحمي كبرياءك !

؛

بعد أيام - دار الأيتام

اخيراً بيخطي اول خطوه لقدام من بعد كل الي صار له ..  أمل جديد ومصير جديد ، طريق ثاني غير الطريق الي كان يعتقد انه طريقه الوحيد وقدره المحتوم ..... طريق يكون بمثابة الضماد الي يواسيه وينسيه جرحه

بحماس كبير وبابتسامه لطيفه طالعه من القلب انرسمت على شفته مشى بمررات المركز وهو يتبع احد المسؤولين باتجاه الساحه الخارجيه والي كانت مكتظه بالأطفال الي كانت اعمارهم تتراوح ما بين ٤ سنوات الى ١٢ سنه من مختلف الأجناس والألوان وعند نهاية احد الممرات وقف المسؤول منهي مهمته واشار له بيده : ابتداء من اليوم هذا القروب الي بتكون مسؤول عنه .. عددهم ٥٠ ومثل ما قلت لك اغلبهم اطفال واعين فإن شاءالله ما راح تتعب كثير

فهم رائد انه يقدر يبدء مهمته من هنا لحاله واومأ براسه ، اخذ نفس عميق وبدون ما يتردد لحظه وحده مشى مكمل طريقه بلحاله لوسط الساحه وهو حاس ان جزء من روحه قاعد يرجع بكل خطوه يمشيها لقدام ، كمل طريقه لين صار بين الأطفال ولوح بيده بلطافه ونطق بصوت حاول انه يكون جهور عشان الكل يسمعه : مرحباً~

انخفض صوت الأطفال الي كانوا قريبين منه وتوجهت انظارهم باتجاهه وعم الهدوء النسبي بينهم الا من بعض الأطفال الي طالعوا فيه لثواني معدوده بس وبعدها رجعوا يكملون لعبهم 
رائد حط يده على صدره وعرف عن نفسه للي يطالعون فيه : كيفكم يا حلوين ؟ انا اسمي رائد جديد هنا وهذا يومي الأول ، راح اكون صديقكم الجديد واتمنى انكم ترحبون فيني وتقبلوني بينكم

الأطفال تفاوتت ردود افعالهم ما بين وشوشه واصوات مستنكره من دون محد فيهم يتكلم : ...
رائد تقدم خطوتين زياده لين ما صار اقرب منهم وقال وهو مستمتع بردات الفعل : ليش ساكتين ؟ كذا ترحبون بالصديق الجديد ؟
تقدم احد الأطفال عمره مقارب للست سنوات وكان مبين عليه انه من اصول اسيويه ونطق بصوت عالي : لا مو صديقنا ! انا اعرف انت المدرس الجديد الي بتدرسنا !

هز رائد راسه بابتسامه وهو يقول بداخله (يا عمري اكيد هذا ماهر الي قالوا لي عنه) : ايه انا المدرس الجديد بس راح العب معكم وبنفس الوقت بعلمكم وفيه اشياء حلوه كثيييير راح نسويها مع بعض ! هاه ايش قلتوا موافقين تقبلوني او لا ؟
الولد ضحك ببراءه وهو يأشر على كوخ بلاستيكي بالزاويه : بس انت كبير (يقصد طويل) كيف تلعب معنا ؟ ما راح تقدر تدخل الكوخ بتكسره وما راح يجيون لنا جديد !