سلام ؛ بارت جديد اتمنى يعجبكم وكل الشكر لكل من علق وضغط فوت استمتعوا ولا تنسون تتركون اراءكم ..
. . . .
مرت الأيام على نفس المنوال ونفس الروتين اليومي بالنسبه لرائد ما بين نوم وشغل وحل مشاكل الاطفال ..
يوم من هذي الايام كالعاده دخل عليه تيم وهو منحاش من فصله دخل خطوتين بعدين وقف كأنه تذكرشي ورجع طق الباب ودخل جلس بالكرسي وهو مبتسم بعرض ابتسم رائد من حركته ورفع حاجبه : ايش عندك مي مي ؟ ليه هارب من فصلك اليوم ؟ تيم وهو يمرجح رجله الي ما توصل الارض من قصره زادت ابتسامته وقال : امس كلمني بابا رائد وهو متحمس معاه : واااو حركات اييييه ايش قال لك ؟ تيم وهو بيطير من قد ما هو فرحان : قال انه يحبني كثييير قد كذا (ويأشر بيده) وارسل لي هديه طيارة بتوصل بكرا
رائد وهو يتصنع : حركااات يا حظك ابوك يحبك كثير يرسل لك طياره وألعاب تيم : ايوه يحبني ويحب فراس بعد ارسل له سكوتر بس قال لازم احد كبير معاكم لأنه صعب رائد : ما شاءالله السكوتر حلو بس بابا معه حق لازم معاه احد كبير لين يتعلم عليه تيم بسرعه : استاذي تعال انت ساعد فراس عشان يركب رائد وهو متوهق : انا ما اقدر يا عمري عندي شغل تيم وهو مبوز : حتى انت؟ انا اكره الشغل لأن دايم ياخذ بابا بعيد والحين انت ما يخليك تلعب معي رائد وهو يضحك : مي مي حبيبي الشغل مو انسان عشان يجي وياخذنا الشغل يعني اشغال يعني اشياء وواجبات يعني .. يعني هههههه شلون اشرح لك تيم وهو باقي مبوز : لا تضحك علي انا مو صغير انا زعلان عليك قام وطلع رائد كمل ضحكه وهو يقول في نفسه "بكرا اراضيه هالنتفه"
في نيويورك وفي وحده من اعلى الأبراج التجاريه طلع من مؤتمر صحفي ومر عالسكرتيره : روان قهوتي ابيها الحين دخل مكتبه وجلس ورخى ربطة العنق وسند راسه على ظهر الكرسي وغمض عيونه وزفر بقوه ، المؤتمر استنفذ كل طاقته حس بالدقايق تمر وهو على هالوضع لين سمع رنة جواله وبنفس الوقت دخول روان بالقهوه سامي : لا احد يدخل علي ولا تحولين اي مكالمه لين اعطيك خبر روان بغنج : ابشر طال عمرك حطت القهوه عاالمكتب طلعت وسكرت الباب وراها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
