معاك أنا أقوى

٥ - عناق قلب

رمضان مبارك يا حلوين
وكل عام وانتم بخير

اولاً انتوا مستوعبين اني انزل ثلاث بارتات بشهر واحد ؟ ترى انا مش مستوعبه وبصراحه هالبارت تعبت فيه تعب كبير لأن الظروف جداً كانت جايه بالضد فأعذروني لو شفتوا فيه اي نقصان وخلوني اشوف تفاعلكم الحلو - البارت طويل وله نهاية لكن راح يكون له جزء ثاني خاص بالتايم سكيب قررت انزله بعد رمضان ..

وقفه بالنسبه للكومنتات السلبيه ، ترى انا ما احب اتعب نفسي وارد على اشخاص كل تعليقهم مقتصره بعبارات مثل البارت قصير ؟ طولتي ؟ سحبتي ؟ وبعد ما انزل البارت ما اشوف لهم اي اثر .. بس ترى شايفتكم هاه؟ فاعتدلوا احسن لكم لا اطلع عليكم الجنيه ، وترى جنيتي تطلع برمضان فلا تقولون مربطه انا حذرتكم .. لوف يو 😎

شرايكم فيني وانا معصبه ؟ هههه
المهم اترككم مع البارت واتمنى انه ينال اعجابكم ولو ما عجبكم القادم افضل بإذن الله ، اهم شيء ابي تفاعل قوي واشوف تعليقاتكم بكل فقره

كومنتات بين الفقرات + فوت

استمتعوا 🌷

.
.

عض سند شفته ونطق بنبره كلها قهر طلعت من اعماقه : ياخي ليش ؟؟؟ اعترفت لك بغلطتي واعتذرت منك اكثر من مره وش تبي أكثر ؟! قول وش تبي مني انت ؟!
فيصل بكل هدوء : بتسكت وتهدأ عشان أكلمك ؟ او تبي انهي النقاش وامشي ؟
سند طالع فيه بنظره حاده رغم الدموع الي كانت متراكمه بعينه ونطق : تكلم! قول وش تبي بعد ؟!

نطق فيصل وهو يمرر يده عالملف الي بيده : يوم الاثنين بيبدأ التسجيل كلمت لك واحد هناك يشتغل مع الإداره .. روح عنده وهو بيهتم فيك وبيسهل عليك موضوع المقابلة
سند برجاء : يا فيصل هالشيء ماهو ضروري الحين كثر ما احنا نحتاج نتكلم عننا وعن علاقتنا !
رفع فيصل حاجبه ونطق : مافيه اي شيء نتكلم فيه بخصوص علاقتنا ، خذ الملف وروح سجل هالشيء متعلق بمستقبلك

سند أخذ الملف ورماه عالأرض وهو يصرخ ، ماعاد يتحمل اكثر : مالك شغل بمستقبلي !! انا قاعد اكلمك عن الي صاير بينا وانت تقول لي جامعه وبطيخ !!
طالع فيصل بالملف المرمي عالأرض ثواني ونطق بعدها : يعني افهم منت رايح ؟
مسح سند دموعه بعنف ونطق : ايه ماني رايح وش بتسوي ؟!
رفع فيصل عينه عن الملف وطالع فيه : ما راح اسوي شيء لأن هالشيء راجع لك ويخصك انت ، انا مالي صلاح ورفضك ما راح يقدم ولا يأخر

سند توسعت عينه ونطق بصدمه : يعني وش افهم الحين من هالكلام ؟ خاف الله بنغلق الشهرين وانت راكب راسك ولا تبي تتفاهم معي !
فيصل بنبره بارده : انت غلطت .. تحمل غلطتك
سند: يا رجال حرام عليك! عديت لي اغلاط كثيره وبسبب غلطة زي ذي قررت انك تستلعن؟!
رفع فيصل اصبعه يأشر على سند ونطق بصوت اقرب للهمس : هه غلطه زي ذي ؟! ايه فعلاً عديت لك اغلاط كثيره بس هالغلطة الي انت مستحقرها وتشوفها بسيطه بالنسبه لي كبيره لحد ما تتصوره وهي الي هدت كل شي !