اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مر الليل بطوله وهو يفكر كيف يواجه أمه وبإيش يقدر يقنعها .. وبتفكير : اقول لها اني مريض ؟ لالا بسم الله علي طيب اقول اني اتعالج في السر؟ لا اخاف تقول بروح معك وتكتشف اني اكذب عليها ...
اتعبه التفكير ما توقع ان الأمر بهذي الصعوبه يحس انه ضيع وقت كثير من حياته في النكران ولما اخيراً تصالح مع نفسه ولقى الإنسان الي خلى قلبه يدق وعاش معه احلى شعور جت اللحظه الي تنهي سعادته وترجعه لأرض الواقع ، ضاقت به الدنيا ورجع يبكي بقلة حيله ...
،
تيم وهو يتسحب لغرفة ابوه ويركض ينط على فراشه : بابا .. سامي كان نايم وحاط يده على وجهه ، ابعدها تيم ونادى مره ثانيه : باباااا ! فتح عينه وشاف تيم جالس جنبه ومبتسم ، تنهد وتكلم بصوت ثقيل من النوم : تيم بابا ايش تبغى ؟ تيم بدلع : اول قوووم! سامي بكسل غمض عيونه وقال : طيب روح وانا بقوم بعد شوي مد تيم بوزه بزعل والتفت لفراس اللي كان يطل من ورا الباب ويأشر لتيم بيده يعني هزه عشان يقوم تيم قام يهز فيه : بابااا قوم قوووم سامي تنهد بانزعاج : طيب طيب يابوي .. يوووه يا تيم قام وجلس وكان مكشر وشعره محيوس تيم بصوت عالي : فراس تعااال خلاص قام!!
دف فراس الباب ودخل جلس جنبهم عالسرير وهو مبتسم طالعهم سامي وهو يتثاوب : ايش عندكم انتوا الاثنين تكلموا .. زادت ابتسامة فراس وهو يطالع تيم الي قرب من وجه ابوه وفتح فمه وكان واحد من اسنانه الأماميه طايح وصاير مكانه فراغ كبييير .. تغيرت تعابير وجه سامي وهو يشوف تيم ويركز فيه كان شكله يضحك ، فراس شاف شكل ابوه وانسدح عالسرير وهو يضحك وماسك بطنه وبعد دقيقه انفجر سامي وصار يضحك معهم .. نط تيم وجلس بحضن ابوه اللي ضمه : ابوي انت .. متى طاح؟ تيم : قمت من النوم ولقيته طايح ! سامي : لا يكون بلعته بس ؟ فراس : لا لقيناه عالمخده تيم وهو يمسك وجه ابوه ويلفه لجهته : بابا بتسوي لي حفلة ؟ سامي وهو يضمه : حفلة ايش ؟ تيم : يقول فراس الي تطيح اسنانهم اللبنيه يسوون لهم حفله سامي وهو يطالع فراس : انت قايل له كذا ؟ فراس ابتسم وبحماس : ايوه وبعد اذا حطه تحت المخده تجي جنية الأسنان تاخذ السن وتعطيه بداله هديه! تيم وهو باقي ماسك وجه ابوه : يالله قوم نشتري الكيكه عشان الحفله سامي : طيب ليه مستعجل ؟ خلها بكرا عشان يمدينا نعزم اصدقاءك و .. تكتف تيم وهو مبوز : لا ابيها اليوم تنهد سامي : لا يكون بعد تبي هدايا ؟ فراس : بابا عادي اعزم اصدقائي؟
