هلووو ، كيفكم ؟ بالكثير بارتين يفصلونا عن النهايه ، شكراً لمن انتظر
لا تنسون كومنت بين الفقرات + فوت استمعتوا 🌷
••••
- كيف اقتلع أشواك الوقت لأنتظرك بسلام ؟
. .
بعد يومين الساعه ١ الليل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان جالس يهوجس بالكلمه اكثر من مره بداخل عقله .. يبي يستوعب وش الرياض ؟ يعني يومين مروا بدون ما يكلمه او يرسل له شيء والحين يتفاجيء انه راح الرياض ! معقوله يروح كذا فجأه وما يقول له وعشان ايش ؟ فوق هذا مو قاعد يرد عليه ولما هدده بالانفصال ما لقى منه أي رد فعل يدل على انه مهتم .. اليومين صاروا اربع ايام ، بدأ يتغير الوضع اول كان شايش ويفكر بطيش وعصبيه بس الحين اعصابه فترت وقلبه هو الي بدأ يحترق ، حس بشيء داخله اهتز وتغير ، شعور خوف من الفقدان ، دائماً هالشعور يكون مقرون باسم فيصل محد غيره
قام من الكرسي وظل يدور رايح جاي بالبلكونه الصغيره وهو يدخن واخرتها فتح جواله الي كان مقفله وكتب مسج قصير ما توقع بحياته انه بيكتبه ، ارسله ورجع جلس وحط الجوال قدامه وهو خايف من الرد الي بيجيه
بهالوقت فيصل الي كان منسدح بالسرير ومنهك من شغلة تجهيز اوراق رائد الي تتطلب سريه تامه ، كان على وشك ينام بس مسج سند سبق هالخطوه وخلاه يرفع جواله ويقرأ المسج الي كان عكس توقعاته فيصلأحبكردتكفاء ما توقع ان شخص عنيد مثل سند بيوصل لهالحال بفتره قصيره ورغم هذا ابتسم بخفه واتصل عليه سند الي شاف جواله يهتز عالطاوله دق قلبه بسرعه ومسكه بيده وظل يطالع فيه ثواني وغمض عينه ياخذ نفس عشان ما يبين صوته المهزوز ورد : اخيراً تكرمت ؟ فيصل بصوت خدران : وانت أخيراً طاح الي براسك ؟ اخذ نفس لأنه ما يبي ينفعل ورد : شلون تبيه يطيح وانت مطنشني ما ترد؟
فيصل : ماني مطنش قلت لك مشغول وانت ما تفهم سند بدأ ينقهر : تمام والحين خلص شغلك ؟ فيصل : ايه سند بتردد : طيب قريت كلامي ؟ قلت لك ابي انفصل تنهد فيصل : ايه قريت سند : وليه ما رديت طيب عادي عندك يعني ؟ فيصل : مو عادي انت تبي تنفصل وانا جاوبتك بطريقتي سكت سند وصار قلبه يرقع بقوه ، توقع انه يمنعه او يناقشه ، كل شيء توقعه الا هالبرود فيصل : شفيك سكت ؟ قبض سند على يده ونطق بصوت يتنافض من القهر : انا شفيني؟ .. انت الي شفيك كنك تنتظر هالشيء وتبيه من الله ! تنهد فيصل ونطق بصوت مبحوح من التعب : ابداً عمري ما اتمنى هالشيء بس انا مضغوط مع كل جهه يا سند وانت بدال ما تكون بجنبي وقت ما احتاجك قاعد تضغطني زياده
