معاك أنا أقوى

١- عناق قلب

مرحباً ..

نبدأ بداية جديده مع الكوبل الناري فيصل وسند ..
قبل ما ابدأ احب اشكر كل الي انتظروا ، وصفتهم قبل بالفانز المرعب لكنهم في الحقيقه ألطف الأشخاص الي تعرفت عليهم بالوات .. ♥️

التحديث عنهم راح يكون بين فترات متفاوته مابين اخر جزئيه بالروايه وبعد التايم سكيب ، سبق وذكرت ان كل كوبل بيكون له ٣ بارتات لكن لو حسيت اني ما وفيت جزئيتهم ممكن ازيد زي الكوبل الي قبله ..

اتمنى القى تفاعل جميل مثلكم ، كومنتات بين الفقرات وفوت
استمتعوا ..

؛

- لقد كنت حذراً من الجميع .. ما عدَاك !

الساعه ٣ الفجر

وقف بالبايك قدام شقته وعلى طول طلع جواله الي كان يرن طول الطريق وشاف مكالمات فائته من فيصل وبدر وارقام ثانيه بدون اسم ، فصخ خوذته وزفر بقوه لدرجة انفاسه الحاره تشكلت على هيئة بخار بسبب الهواء البارد واتصل على بدر ..

بدر على طول رد وبان القلق بصوته : وينك فيه انت من اول اتصل عليك ؟!
سند : انا قدام شقتي
بدر بصدمه : مشيت ؟!!
طلع سند سيجاره وولعها : ايه يا فاهي ..
بدر : متى وكيف ؟

سند : خلصت الجوله وعلى طول مسكت خط البيت
بدر بانفعال : طيب ليش ما قلت لي انك بتمشي ؟ قلبنا الدنيا عليك لما تأخرت !
سند ببساطه : الوقت تأخر ولو قلت للشباب ما راح يخلوني امشي
بدر : طيب كان علمتني اول مو تمشي وبس !

سند : بدير عن الحنه خلاص انا عند شقتي واموري تمام ، انتهى الموضوع
تنهد بدر بقوه : طيب وش وضع المسار الأخير ؟ باقي ما تدربت عليه وانت بتدخل بعد يومين السباق
سند : عادي بكرا اطلع بدري واروح اشيك ، تجي معاي والا الكلب البوليسي حقك بيرفض بعد ؟
بدر : مدري بقول له ..

قلب سند عيونه : والله انت معطيه وجيه كثير قاعد يتحكم فيك
بدر : مو معطيه وجه بس هالشيء يسمى اهتمام هو يحبني وخايف علي وانا عاجبني الوضع
سند : قصدك متخرفن
بدر بدفاع عن نفسه : ايه متخرفن مثلك ، والا ليش راجع بدري اليوم ؟
سند : كل تبن بس ، يالله باي

قفل الجوال وظل يدخن سيجارته وهو يشوف المكالمات الي رجعت توصل له باسم "الفيصل" وهو يطالع الشاشه بهدوء لين وقف الاتصال بدون ما يرد ، رمى سيجارته ونزل من فوق البايك ومشى جهة العماره لين وصل للدور الثاني واول ما دخل مفاتيحه انفتح الباب من الداخل وكان جمعان واقف قدامه
سند بصدمه : افف يالشايب شعندك صاحي لهالحزه؟
جمعان بعصبيه : جعل الشيب يشب براسك يا حمار ! ما تقول وينك لهالحزه؟!