معاك أنا أقوى

٤٥ - وميض ؛

مرحباً بالحلوين

بارت طويل جداً ، عشان يقل العتب :")

فوت وكومنت بين السطور

استمتعوا 🌷

•••••

شقة رائد

بعد ما عجز رائد انه يفلت من اسألة أمه واقناعها انه صار بخير ، استغل عدم وجودها بالبيت الي كانت هي فرصته الوحيده عشان يروح لشقته ويتطمن عالأوضاع قبل ما يمر سامي
مبارك وهو بسرواله وفانيلته الداخليه ومتربع فوق الكنب : جاي تتطمن عليهم ؟ المفروض تتطمن علي انا
رائد وهو شايل تيم بحضنه ويبوس فيه كل شوي : ليش ؟
مبارك : اسأل هالقطو
نزل رائد عيونه لتيم : ميمي ايش سويت لعمو ؟
تيم نفخ صدره وبسرعه تكلم وكأنه مجهز الكلام : ما سويت شيء هو ينام بسرير بابا ويحوس زي الأطفال واخذ البسكوت الي شريته لي وعطاني حبه بس ويمشي حافي عالبلاط بدون شراب !
ابتسم مبارك لا شعورياً وفرك وجهه وطالع برائد : يجوز فيه الذبح ؟
ابتسم رائد : مالك عذر تسوي هالحركات قدامهم وتبيه يسمع لك
ضرب مبارك فخذه بيده بحلطمه : يالله خذ لك ..
جاء فراس وحط كاسات فيها عصير : استاذي تفضل
ابتسم له رائد واشر له يجلس جنبه : تسلم حبيبي ارتاح
مبارك : بالله سؤال ، الحين هذول صدق اخوان ؟
رائد : هههههه ايه
مبارك : مستحيل يا شيخ شف الفرق شف الذوق والذرابه غييير عن هالسعلو الي بحضنك

مسح رائد على شعر تيم : توه صغير يتعلم ويصير مثله
جلس فراس جنبه وسأل بقلق : اممم استاذي انت طيب الحين ؟
طالع رائد فيه : ايه انا بخير بس كنت احتاج راحه لا تخاف
فراس : يعني ما فيك شيء ؟
ابتسم رائد : لا يا عمري انا تمام وان شاءالله بروح لبابا بعد شوي
مسك تيم خدود رائد ولفها جهته ، حركته المعروفه لما يغار : انا بروح معاك عند بابا صح؟
هز رائد راسه : ان شاءالله بس الحين مش وقت زياره ، انا بروح اول وبعدين عمو مبارك يجيبكم
مبارك : هيه هيه لا تنشبني فيهم ماني عم احد!
رائد باستنكار : مبارك ؟!
نفخ مبارك خده وهو يأشر على فراس : اوكي اصير عم هذا بس الجني ذاك لا
تيم : انت الجني !
فراس ورائد بصوت واحد : تيم !
رفع مبارك يده : شفت؟؟ الحمدلله هذاك شفت بعينك وسمعت

رائد : تيم عيب يقولون كذا .. يالله اعتذر
مبارك وهو يقلد صوت رائد بمياعه : تيم عيب انن ، اقول هاااته انا اعرف اتفاهم معه
خز رائد مبارك وطالع بتيم : مو عيب تطول لسانك عالكبار ؟
بوز تيم : طيب هو قال لي اول !
رائد : ولو هو الكبير ، يالله اعتذر منه والا بزعل عليك
نزل تيم من حضن رائد ومشى وقف قدام مبارك وضرب برجله عالأرض وهو يخز مبارك : انا اسف اووف!
مبارك : بعد تنفخ ؟ اوك ماشي بعديها لك هالمره
اخذ تيم المخده ورماها بوجه مبارك وركض غرفته وهو يضحك والتفت مبارك يطالع برائد وهو رافع حاجبه
رائد وهو منصدم : ههه لا تطالعني كذا مدري شفيه يحب يحارشك
ابتسم مبارك ومشى جلس جنب رائد : انا اتفاهم معه بعدين ، اتركه عنك وقول لي شلون جيت هنا؟
رائد : أمي طالعه وقلت لشهود اني خلاص برجع لشقتي