معاك أنا أقوى

٤٣ - وهنْ ؛

مساء / صباح الخير
كيفكم ؟

بارت جديد نقترب فيه نحو نهاية المسار ، احداث اسرع واعمق ..
ارجوا المزيد من تفاعلكم لأنه هو الي يحدد سرعة نزول البارت القادم

لا تنسون الكومنتات على كل فقره + الفوت
استمتعوا .. 🌷

.
.

*على الحياة ان تستمر
فالمدينه التي ضربها زلزال تتعافى
والمنطقه التي ضربها بركان تشفى

.
.

بنفس المكان كان بدر جالس بطاوله بعيده ويلعب بمزار الميلك شيك الي قدامه وهو سرحان لين انسحب الكرسي الي قدامه بقوه ورفع عينه وشاف سند الي صار جالس مقابله وابتسم
سند بعجله : شالسالفه ؟!
بدر : شفيك تأخرت ؟
سند : كنت عند الشايب ويالله صرفته عشان أجي
بدر : كان ما جيت مافيه شيء مهم ترا
سند وهو يتلفت : وينه ؟
بدر : قام من شوي شكله طلع يدخن
سند بثقه : لا ما يدخن هو الا اذا كان متضايق ، وين طاولتهم ؟
تنهد بدر : اتوقع مافيه الا شخص واحد بالعالم يشبه المخبول الي جالس تحت اللوحة الي على يمينك

التفت سند وشاف لؤي يطالع فيهم وهو ومبتسم على جنب : ايه خلاص شفته هو ويا عيونه الله يقطع هالوجه !
بدر : هههههه محقق وش ترتجي منه اكيد عيونه بكل مكان
خز سند لؤي والتفت يطالع ببدر: قول وش يبي من فيصل هالممحون ؟
بدر وهو يمزمز : مدري على أساس بيوصلني شقتي وفجأه مر فيصل ولقيت نفسي معهم هنا
سند : لا يكون يبيها ثري سوم ؟
وسع بدر عيونه وضحك : لااا مستحيل ههههه
سند : ليش مستحيل ؟ صاحبك ذا مهستر واتوقع منه كل شيء
بدر : طيب اذا هو يجي منه كل شيء تتوقع يجي من فيصل ؟
سحب سند الملك شيك من يد بدر وشرب منه وهو يتمتم : والله قمت اشك دام ما عنده مشكله يسويها معي معناتها عادي عنده ينيك فحول

بدر : هههه لا عاد لا تشطح بتفكيرك بعيد القصه مو كذا
سند : اجل ؟
طالع بدر بلؤي وقرب من سند وخفض صوته : اقول لك فيه سالفه خطيره صايره وشكل لؤي متوهق فيها ويبي فيصل يساعده !
سند : زين وش هالسالفه ما سألته وش صاير ؟
رفع كتوفه بعدم مبالاة : لا مالي شغل
سند : ايه فالح بس تخليه يشخلك !
بدر بانفعال : وجع اذا هو ما قال لي انا شدخلني ؟
سند : ابد لا تتدخل خلك مريح بالك وتسدح له بالسرير
نفخ بدر صدره : اقول سند لا تفصل علي ترا لو ادري انك بتسوي كذا ما ناديتك !

سكت سند لما انتبه لفيصل الي كان توه طالع من دورة المياة ، وظل يتتبعه بعيونه لين شافه يجلس عند لؤي الي زادت ابتسامته وطالع بسند وجت عيونهم ببعض ، صد سند بسرعه والود وده يقوم يكسر عظامه ونطق : الله ياخذه هالسكني!
بدر الي انتبه لهم : طلعه من بالك هالغبي يبي يستفزك بس
سند : شكله يبيني اكسر له راسه
بدر : سند روق انا ما ناديتك عشان تسوي كذا
سند : اجل شتبي ؟
بدر : كنت بقول لك ان الشباب بيطلعون الشاليهات اذا ودك نروح معهم
سند : شاليه بالبرد ؟
بدر : شفيها عادي نشب حطب ونفلها وراح يكون فيه بنات وشباب حلوين ، لو ما تبي عادي ندخل سباق او نروح عند هارون اهم شيء نغير جو
سند وعينه على ظهر فيصل : امممم مدري اشاور نفسي