معاك أنا أقوى

٣ - عناق قلب

مرحبا ..

بارت جديد بتفاصيل كثيره ، له تكمله بتنزل بعد يومين وبعدها بنسوي تايم سكيب وننهي معه جزئيتهم ..

كومنتات بين الفقرات رجاءً
استمتعوا 🌷

.
.

بالطريق العام

كان فيصل يسوق سيارته بيد وبيده الثانيه ماسك يد سند وهو مشغل اغنيه ومندمج معاها بعد ما انتهى ثاني موعد لهم ..

لا تهجى في كفوفي مو مهم راي الكفوف
دربنا واحد ولو ما يلتقي خطيننا
مو على كيف الزمان ولا على كيف الظروف
لعن أبو حي الظروف اللي بتوقف بيننا

تأفف سند وقصر الصوت : هيه فيصل !
فيصل وهو رايق : يا لبيه
سند وهو يلعب بباكت الدخان : ياخي خرمان زقاره
فيصل : طيب شوي ونوصل
عقد سند حواجبه : بس وحده شفيك انت كذا؟!
فيصل رفع يد سند الي كان مساكها وباسها : لما توصل انزل ودخن على كيفك

سند : ماشي يالنفسيه بكرا اشتري سياره واذلك فيها
فيصل : زين اسوي فيك دامك بتفكر تشتري سياره زي الناس وتترك عنك هالمواتر
خزه سند : حتى لو شريت ما راح اترك البايكينج يكون بعلمك
همهم فيصل : اهم شيء انك قاعد تفكر وهالشيء يعتبر خطوه كبيره
رفع سند حاجبه : ياخي مدري شلون تقدر تغير الحوار لصالحك كل مره
فيصل بابتسامه : ضريبة المحاماة ..

ابتسم سند من ابتسامة فيصل ونطق : عاد تبي الصراحه ؟ فكرة السيارة ما جت من فراغ
فيصل : كيف يعني ؟
سند : اترك يدي اول وانا اقول لك
فكر فيصل شوي وبعدها ترك يد سند على مضض والي بدوره رفع رجوله وتربع عالمرتبه بحماس بحيث صار يطالع جهة فيصل وكمل : مثل منت شايف الشايب صار يشتغل وما عنده مواصلات فصاير يروح ويجي بتاكسي وانا بصراحه أبي ارزه واشتري له سياره يروح عليها زي الناس

فيصل ما اخفى تفاجأه من الموضوع : اها يعني المقصد تبيها لأبوك ؟
سند : ايه ولأني عارف انه بيقلب الدنيا وما راح يفكني من الأسئله لو قلت له تعال بشتري لك سيارة ، فكرت اني اشتريها على اساس لي وبعدين حبه حبه اخليه يستخدمها ، شرايك ؟
فيصل عجبه تفكير سند وانه بدأ يفكر بمسؤوليه اكثر من أي وقت : طيب مو الأفضل تجرب تقعد معه وتقول له عن نيتك ما اظن انه بيكون رافض لدرجه كبيره خاصه وان هالشيء لمصلحة العايله كلها

سند استصعب الموضوع وهز راسه : لا ياخي يكفي موضوع الشقه والمصاريف كلها مطلعها من عيوني وكل يوم والثاني لاعن خيري يبي يعرف من وين كل ذا ، هذا وانا قايل له ان الشقه اجار لو يدري انها بإسمي وش بيسوي ؟
طالع فيصل فيه بفضول : وانت ما قلت له للحين ؟
خزه سند : صاحي ؟ وش اقول له ان العماره عمارة ابوك والشقه انت معطيني اياها ؟
فيصل : لا تقول اني معطيك قول انك مقصدها وقاعد تدفع لي وهذا الصدق اصلاً