معاك أنا أقوى

٣٨ - أًلْــس ؛

مراحب
كيفكم ؟
اولاً اتمنى لكم سنه هجريه جديده مليئه بالأحلام المحققه وكل عام وانتم بخير ، ويوم وطني سعودي مجيد مع اني بداوم بكرا ومش محسوبه بالإجازه 💚🌴 ..

ثانياً بسأل هل شفتوا اي تغيير بعد الابديت ؟ فيه بارتات اختفت عندكم او كلها طالعه؟

اتركم مع البارت الي مددت فيه واتمنى انه يعجبكم واشوف تعليقاتكم الي تعودتها ، لأن تفاعلكم باخر جزء ما عجبني 🏳️ ..

لا تنسون الكومنت والفوت
استمتعوا 🌷

••••

الساعه ٣ الفجر ..

كان متسند عالسرير وعينه عالجوال يراسل فيصل
سند : متى يبداء دوامك ؟
فيصل : الساعه ٨
سند : طيب ليه ما نمت للحين ؟
فيصل : وتسأل ؟
وقفت اصابعه شوي ورجع أرسل : انا مسهرك ؟
شافه يكتب ويرجع يمسح وطول شوي في الرد ، تعدل بجلسته وانتظر رده بحماس
فيصل : فيه أحد غيرك يسرق النوم من عيني ويغير مفاهيم الوقت ؟
انبسط من رده وينفس الوقت تحسف انه سأل لأنه ما عرف شلون يرد او يجاريه بهالأمور لذلك حب يقلبها مزح وكتب : روح نوام بس ما راح افيدك اذا هزؤك عالتأخير بكرا
فيصل : عادي اتهزأ لعيونك
عض خده وكتب : أي عيون تكفه ؟
ابتسم فيصل وكتب : عيونك الي تسحرني .. اعشقها واعشق غموضها لأنها توصل لي مشاعرك الي ما يقدر يوصلها لسانك
زم سند شفايفه ووقفت يده عن الكتابه ، يدري ان فيصل يعاني معه من ناحية انه يعبر عن مشاعره بصدق ويمكن كثير أمور بس متأكد ان هالنقطه بالذات راح يكون لها تأثير عميق على علاقتهم لو استمر معه بهالاسلوب الجاف

من ناحيه ثانيه حس فيصل من عدم رد سند انه توهق وما حب يحرجه اكثر لذلك كتب : شفيك ؟ لا تعصر مخك أدري انك ما تعرف تعبر
سند : شدراك اني متواهق ؟
فيصل بمزح : تعلمني فيك وانت من عرفتك ترسب بالتعبير؟
تفشل سند وكتب : علاء تبن! ايه فاشل بال تعبير والإنشاء بعاد! عندك مانع يال مثقف؟!
فيصل : ههههه لا ما عندي بس تسمح لي اعبر بالنيابه عنك ؟
رفع سند حاجبه وارتسمت ابتسامه على طرف شفته وكتب بسخريه : يالله اشوف يابن الملواح
ابتسم فيصل باتساع وبعدها كتب : اوكي
انت تحبني ، لا ما تحبني .. انت هايم فيني ورغم تمردك وعنجهيتك قلبك متعلق فيني بحيا .. بخيوط شفافه محد يقدر يشوفها الا انا
نظراتك مثل حد السهم ، حاده وقويه ان بغيتها غزل ، وان بغيتها غيره .. يا ويل قلبي المسكين الي ينزف لك وانت منت شاعر ...

دق قلبه بقوه وهو يشوف هالكلام وظل يقراه اكثر من مره ، فيصل قاعد ينبت بداخله مشاعر دفينه عجزت تطلع الا على يده وهالتغيير قاعد يأثر فيه وهو مو ملاحظ هالشيء
غمض عينه وسند راسه على ظهر السرير وسرح بعالم ثاني متناسي فيصل الي ظل يكتب ويكتب ..