ونرجع للتحديث من جديد وبإذن الله يكون تحديث غير منقطع ، بدون شروط بس أبي تفاعل التمس منه قد ايش انتوا مشتاقين 💛
الي عنده اي استفسار بخصوص اي روايه او اي تحديث يروح لكتاب Ask me ويكتب سؤاله بآخر ابديت نزلته لأني ماعدت الحق عالأسئله بالمنصه وشكراً
استمتعوا 🌷
. .
غريبٌ هو حال الذكريات ، تبكينا أجملها .. ويضحكنا أقساها !
؛
بعد ثلاث شهور بالويكند - كورنيش الخبر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جالس يراقب ارتطام الأمواج بالحجاره الكبيره وهو داخل بتفكير عميق ، من عقب الموقف الأخير وهو يتحاشى رائد بشكل اكبر من اول مو لأنه يكرهه بقد ما انه ما يبي يلتقي فيه ويتشوش تفكيره من جديد خاصه وإنه بدء يوقن ان فيه شيء غريب قاعد يحس فيه باتجاه هالشخص ... والمواقف الأخيره الي صارت بينهم والي بدت تولد له هالإحساس صارت أكيده بآخر موقف صار بينهم
كيف تحركت يده وكيف استنشق ريحته وكانه مسير ، كيف ترك نفسه يغرق وكيف ثمل فيها لدرجة النشوه ، كمية التناقض الي قاعد يحس فيها وتتضارب في تصرفاته ماهي شويه ، حاول يلهي نفسه وينتشلها من هالتشتت بعلاقاته العابره لكنه هالمره ما قدر .. كمية الفوضى والتساؤلات صارت في تزايد بشكل ما يقدر يتجاهله
الي مجننه الآن انه دامه سبق واتخذ موقفه وقرر انه يرمي هالعلاقه ورى ظهره وبدء يكمل حياته مثل سابق عهده بدون ما يهتم لمشاعر هالشخص او يعطيها اي اعتبار بحكم انه ما يهمه ولا يعني له اي شيء والمفروض انه ما يتأثر بمشاعر الثاني او بأي شيء يسويه .. اجل ليش اهتزت هالقناعه وهالقرار بلحظه ؟ ليش يحس بزوبعة إعصار بداخله على وشك الهجوم بدون سبب بكل مره يشوفه ؟ ليش كل شيء يتبدد بلحظه وبمجرد انه يكون قدامه ؟
حس بشيء من الندم لأنه رجع لنقطة البدايه من جديد وكأنه اتخذ قراره وتراجع عنه بدون جدوى ، حتى لو انه املى عليه شروط قاسيه لما سمح له يظل معهم .. من الأساس ليش عطاه فرصه ثانيه بأنه يكون قريب منه دامه ما يبيه بقربه ؟ معقوله يكون هالشيء عذر مغرور لشيء ماهو قادر يعترف فيه ؟ او مجرد قرار فاشل ما كان في الحسبان ؟ او انه فرصه بأنه يراجع قراره من جديده ؟
